BILLIONAIRE'S SPECIAL MENU C52

MELCU CHUCK...

He rushed to get home para makita ang asawa. At habang nasa daan ay hindi n'ya alam kung ano ang kan'yang mararamdaman. Nanginginig s'ya habang igting ang kan'yang mga panga.

S'ya ang may kasalanan nito! Kung hindi n'ya sana hinayaan na magmaneho at umuwi ng mag-isa si Courtney ay hindi ito mangyayari. Kung may nangyaring masama sa asawa n'ya iyon ay dahil sa kan'yang kapabayaan.

Mabilis ang kan'yang pagpapatakbo ng sasakyan para makarating agad sa lugar na sinasabi ni Briggs. At wala pang kalahating oras ay narating n'ya na ang paakyat na bahagi ng daan.

Malayo pa lang s'ya ay nakikita n'ya na ang maliwanag na ilaw ng mga pulis at rescue na s'yang rumesponde sa aksidente. May dalawang truck din s'yang nakita na nakatagilid sa gilid ng daan at sumalpok ang ulo nito sa mga poste ng kuryente sa gilid at ang isa naman ay nasa bandang bangin ang kalahating katawan nito at ang kan'yang hinala ay ito ang nakabangga sa kotse ni Courtney.

Mas lalo n'ya pang inapakan ang ga