Chapter 4

"Marife, anong iniisip mo?" pagpuna ni Berry sa kaibigan na biglang tumahimik.

"Huwag mo muna akong pansinin Berry," matamlay na turan ni Marife sa kanya.

"Galit ka ba sa 'kin? kanina ko pa kase napapansin ang pananahimik mo. Nararamdam kong may gumugulo sa iyong isipan, ano ba 'yon? sabihin mo naman sa akin," mahumanay na tanong ni Berry sa kaibigan ng maiwan silang dalawa sa kusina.

Nagpaalam kase kanina sa kanila si Janna na may kukunin lang sa silid nito at babalikan daw sila agad, pagkatapos silang maipaghain ng makakain nila.

"Berry, ayoko sa ganitong lugar. Gusto kong tumakas pero ikaw ang iniisip ko, hindi kita pwedeng iwan at ayokong mapahamak ka dahil sa binabalak ko," mahinang pahayag ni Marife na ikinalaki ng mga mata ni Berry.

"Fe, huwag na nating subukan. Hindi mo ba narinig ang sinabi ni Jessa sa atin kanina?!" takot na saad ni Berry at yumuko.

"Patawarin mo 'ko, Marife! kase ng dahil sa akin nakasama ka rito ng dahil sa pagpupumilit kong samahan mo ako. Kung hindi kita pinilit na sumama tayo kay Aling Cristy, sana wala ka rito at ako lang ang mapapahamak at hindi ka kasama," humihikbing turan ni Berry na sising-sisi sa ginawang pagtitiwala sa taong hindi pa niya lubos na nakikilala.

"Huwag ka ng umiyak Berry, hindi kita sinisisi sa nangyari. Hindi mo kasalanan kung bakit tayo narito ngayon. Tumahan ka na! Alam mong hindi kita kayang pabayaan, mahal kita Berry, dahil parang kapatid na ang turing ko sa 'yo," aning wika ni Marife.

"Hindi ko maipapangako sa iyo na aalisin ko sa isip ko ang pagtakas dito Berry. Hindi na muna ngayon dahil sigurado akong hihigpitan nila ang pagbabantay sa ating dalawa," matapang na saad ni Marife.

Tinignan lang ni Berry ang kaibigan na seryoso sa sinabi nito. Hindi na nagkomento pa ang dalaga at nanahimik na ng marinig nilang may yabag ng paa na papalapit sa kanila.

"Tapos na ba kayong kumain? kung tapos na kayo, pakihugasan n'yo na muna ang pinagkainan ninyo at mamaya ay sumunod kayong dalawa sa akin, para makita ninyo ang tutulugan ninyo," aning utos ni Janna sa magkaibigan na mabilis na tinapos ang pagkain nila at nagtulungan na iligpit ang pinagkainan.

"Dito sa bahay pugad ay hindi kayo masasaktan kung magiging masunurin kayo. Walang mananakit sa inyo rito at safe kayo dito. Hindi naman ganoon kasama ang ugali ni Madam, mukhang pera lang talaga siya." wika ni Janna na mahinang bumungisngis na tila ba sinusubukan na patawanin ang dalawang kausap niya.

Wala naman naging ibang reaksyon sina Berry at Marife. Seryoso lang silang nakikinig sa mga sasabihin pa ni Janna.

"Ang hirap ninyong patawanin ah!" angal ni Janna na ikinasulyap ng magkaibigan sa isa't isa.

"Wag n'yo ng intindihin ang huling sinabi ko." muling saad ni Janna at sumeryoso na.

"May panuntunang pinatutupad para sa inyo si Madam. Gawin lang ninyo ang trabaho n'yo ng maayos, wala kayong magiging problema," litanya ni Janna sa kanila habang naghuhugas silang magkaibigan sa lababo.

"Janna, may tanong ako?" wikang tanong ni Marife na ikinasulyap ni Berry sa kaibigan.

"Ano yun?" sagot naman ng babae.

"Magkapatid kayo ni Jessa, ang sabi mo di ba. Matagal na ba kayong naririto? Nagtatrabaho rin ba kayo sa club?" tanong ni Marife na sinisimulan ng kuhanin ang loob ni Janna para makakuha ng mga impormasyon mula sa babae sa kinaroroonan nila.

"Ah oo, matagal na rin kami ni ate sa lugar na 'to," aning sagot agad ni Janna.

"Hindi ako nagpupunta sa club, kita naman ninyo ang kalagayan ko di ba! si ate Jessa ang paminsan-minsan lang magtungo roon kapag iniutos ni Madam sa kanya o kung kailangan niyang baguhin ang ayos ng club dahil sa kanya ipinagkakatiwala ni Madam iyon." dugtong pang saad ni Janna na ikinahugot ng malalim na paghinga ni Marife.

"Malapit talaga kayong mag ate sa may ari ng club noh!" pasimpleng pagkuha pa ng impormasyon ni Marife na hindi naman nahahalata ni Janna.

"Bata pa lang kami ng dalhin kami rito ni Madam. Anak kami ng kaibigan ni Madam Lorena. Inampon niya kaming magkapatid dahil sa kanya kami inihabilin ng mama namin bago siya malagutan ng buhay. Inaruga, pinalaki at pinag-aral niya naman kami hanggang sa makatapos ng college, pero secretarial course lang ang pinakuha sa amin ni Madam. Siya ang nagdedecide para sa aming magkapatid. Hindi man niya kami itinuring na parang mga anak, but atleast naging maayos naman ang pakikitungo niya sa amin, kahit na ang pakiramdam namin ay ikinulong niya kami sa lugar na ito," kwento ni Janna sa kanila.

Bahagyang nakaramdam ng awa sina Marife at Berry sa magkapatid dahil sa narinig kay Janna.

"Ako ang namamahala sa gawaing bahay rito at si ate Jessa sa inyong mga kalapati naman, iyon ang tawag sa mga babaeng nakatira dito na nagtatrabaho sa club nila Madam Lorena. Kaya kung maririnig ninyo ang katagang mga alagang kalapati ni ate Jessa ay kayo ang tinutukoy ng mga 'yon," dagdag pang wika sa magkaibigan.

"Ang ate ko ang nag aasikaso ng mga kakailanganin ninyong costume at props sa club, pati ang pagbabantay sa inyo rito at sa pagtuturo ng sayaw," ani pang sabi ni Janna na ikinatango ni Marife habang si Berry ay sa kaibigan nakatuon ang isipan.

"Ah, nakatapos ka naman pala ng pag aaral. May mga nakaalis na ba rito na tulad namin?" muling tanong ni Marife na inilihis na ang usapan sa katauhan ng magkapatid at kung ano talaga ang papel ng mga ito sa lugar na iyon.

"Mayroon naman na. Ang iba mga binayaran ng mga naging costumer nila ang paglaya nila rito, kapalit ang katawan nila. Ang iba naman ay nagsumikap na makaipon ng isang daang libo para makalaya. Pero may ilan rin na hindi na umalis dito kahit matagal ng bayad. Mas gustong manatiling magtrabaho sa club dahil malaki ang naipapadala nilang pera sa pamilya nila at free lodging pa. Mamaya ipapakilala ko sa inyo sina Ginalyn at Aireen, na matagal na rin dito." dagdag pang ani ni Janna.

"Pinipilit ba nila ang mga babae rito na magpagamit o magpagalaw sa costumer?" pag uusisa pa rin ni Marife na ikinabaling muli ng tingin ni Berry sa kaibigan dahil sa nagugulumihanan na siya sa mga itinatanong nito kay Janna.

Agad namang pinisil ni Marife ang kamay ni Berry na nakuha naman ng dalaga ang ibig sabihin kaya nanahimik lang at nakinig sa dalawa.

"Hindi, Alam n'yo iyon ang ikinaganda sa palakad dito ni Madam Lorena, kayo ang magdedesisyon para sa sarili ninyo. Ang gusto lang niya ay gawin n'yo ng maayos ang trabaho ninyo sa club," sagot naman agad ni Janna.

"Ano bang magiging trabaho namin sa club?" tanong naman ni Berry na hindi na makatiis na magtanong din.

"Hindi pa ata nasabi sa inyo ni ate Jessa na magsasayaw kayo sa club gabi-gabi at mag ientertain kayo ng costumer na gustong magtable sa inyo sa club," pahayag sa kanila ni Janna.

"Ano?! Eh paano yan, hindi ako marunong sumayaw?" gulat na bulalas ni Berry habang si Marife ay tahimik lang.

"Tuturuan naman kayong dalawa ni ate Jessa. Tara na sa silid ninyo para makilala na rin ninyo ang iba at makakatrabaho ninyo sa club," pagputol na ni Janna sa tanungan portion nilang tatlo sa kusina.

Lumabas na sila sa kusina at naglakad na sa pinakasala at doon ay may nasalubong silang ilang babae na ipinakilala naman sila ni Janna.

Nang makarating sila sa harapan ng pintuan ng isa sa mga silid ay pinapasok sila ni Janna roon at sinabing iyon ang magiging kwarto nila.

Sa loob ng silid ay may tatlong double deck, may sariling banyo at malaking built in cabinet na may anim na locker door na lagayan ng mga sari-sarili nilang gamit.

"May bago na naman palang recruit, Janna. Mga naloko din ba?" tanong ng isang babaeng nakasalampak ng upo sa ibabaw ng higaan nito.

"Nagoyo rin ni Aling Cristy, ang dinig kong sabi ni Madam kay ate Jessa," normal na sagot ni Janna sa babae.

"Hindi pa rin pala nakukulong ang walanghiyang yun, may sa palos talaga!" komentong sabi ng babae.

"Welcome girls sa putikan. Ako pala si Airene, itong katabi ko si Ginalyn. Naloko rin ako ni Aling Cristy na katulad ninyong probinsyana na inalok niya ng magandang trabaho dito sa Maynila yun pala ay pagkakaperahan niya at gagawing pambayad sa kinuha niyang pera na ten times ang balik," saad naman ng isang babae na nakahiga sa isa pang double deck.

"Hello, ako si Berry at ito si Marife ang kaibigan ko," pagpapakilala naman ni Berry sa dalawang babae na makakasama nila sa silid.

"Sa isang double deck na lang kayong dalawa, magkaibigan naman na kayo. Maiwan ko na muna kayo, girls behave kayo rito ha, kung ayaw ninyong mabartolina ni Allan," paalam ni Janna sa kanila.

"Nanakot ka pa! Oo, alam na namin yon!" naiiritang sabi ni Ginalyn kay Janna na hindi pinansin ang itinuran ng babae.

"Ayusin na muna ninyo ang mga gamit ninyong dalawa at mamaya na tayo magkwentuhan. Tayong apat lang dito sa silid kaya wag kayong mahiya sa amin ni Aireen. Ayaw lang namin na madumi at maingay sa kwarto at gusto namin ay marunong makisama at higit sa lahat ay galit kami sa malikot ang kamay. Kaya kung gusto ninyo kaming makasundo ay susunod kayo sa gusto namin, nagkakaintindihan ba tayo?" mahabang litanya ni Ginalyn sa kanilang magkaibigan.

Nagkatitigan pa muna sina Berry at Marife bago sumang-ayon sa sinabi ni Ginalyn sa kanila.