Chapter 49

Third Person's Point of View

"Anak mo sir?"

Agarang nabalik sa reyalidad si Taylor nang marinig na magsalita ang ginang sa tabi niya. Nginitian niya ito at saka sinagot.

"Hindi. Just the daughter of my neighbor, Ma'am," magalang na sagot ni Taylor na siyang ikinawala ng ngiti ng ginang at napakunot-noong napapatingin sa gawi ng bata.

"But she seems to be your daughter based on the looks," nasabi nalang ng ginang sa sarili nito.

Nang makaalis ang ginang ay napapatingin si Taylor sa bata na siya namang nakatingala na sa kanya. Mas lalo lang lumalakas ang kutob niya nang sumalubong sa kanya ang mukha ng bata. Naghihinala na siya pero hindi niya iyon binigyang-pansin kasi baka hindi niya naman kilala ang ina ng bata kaya baka mapahiya lang din siya.

Napapabuntong-hininga si Taylor at saka yumuko para makapantay si Kristen.

"Sa'n mo pa gustong pumunta?" pagtatanong niya sa bata na siyang ikinaliwanag ng mukha nito.

Hinawakan siya ni Kristen sa kamay at saka hinila sa may mga stuffed toys.