Chapter 40

CAMILLA POINT OF VIEW

Mabilis akong tumalikod ng bigla akong mataranta. Kararating ko pa lamang sa hospital na tinutukoy ni Eunice. At akala ko ay kaya kong pumunta ro'n dahil nais akong makita nito. Kaso hindi pa pala.

Kasama ni Eunice ang Mama niya at ang kuya niyang si Akihiro. Malayo pa ako sa kinatatayuan nila ng biglang lumingon si Akihiro sa gawi ko na siyang nagpataranta sa'kin.

Pinagsikapan kong magmadali maglakad ngunit tila bumabagal ang paghakbang ko na imbis bumilis at mas bumagal pa. Tila may pumipigil sa akin na huwag tumakbo at harapin ang kapalaran ko.

Napatigil ako ng may isang kamay na humablot sa braso ko.

Napalingon ako sa likuran ko dahil sa pagkabigla, “Aalis ka na agad?” walang emosyong tanong ni Akihiro sa'kin.

Naipaiwas ako ng tingin sa kaniya, para akong matutunaw sa pamamaraan ng pagtitig niya sa'kin. Hindi ko masabi kung anong emosyon ang nakikita ko sa mga mata niya pero isa lang ang masasabi ko. Halo-halong emosyon ang nakikita ko sa mga mata niya, p