Chapter 4 — The Impossible Deal

Hindi na dapat siya magulat.

Alam ni Elena Rose na kapag pumasok siya sa mundo ni Damian Vale, hindi magiging madali ang lahat. Tatlong taon niyang iniiwasan ang lalaking iyon. Tatlong taon niyang sinubukang burahin ang lahat ng alaala nila.

Pero isang pagkikita lang, isang tingin lang at parang bumalik lahat ng bagay na pilit niyang itinago.

Ang sakit, ang galit at iyong pagmamahal na ayaw niyang aminin na hindi pa talaga tuluyang nawala. Akala niya nakausad na siya. Fake news lang pala.

Kaya nang bumalik siya sa opisina kinabukasan at makita ang sunod-sunod na problema ng Rose Atelier, hindi na siya nagulat. Parang sinusubukan siyang subukin ng tadhana.

"Ma'am Elena."

Napatingin siya kay Mia na hawak ang ilang folder. "Another problem?"

Mabilis na lumapit ang assistant niya.

"I tried contacting the other investors po, pero most of them backed out."

Dahan-dahang napapikit si Elena. Hindi niya kailangan ng paliwanag. Alam na niya, kapag ang isang malaking kumpanya ang umatake sa isang maliit na negosyo, kadalasan, hindi na kailangan ng direktang laban.

Isang galaw lang, isang tawag, isang utos, at babagsak ang lahat. Ayaw niyang mangyari sa kaniya yon. Ang tagal niyang pinaglaban ang kompanya niya.

"How about the suppliers?"

"May ilan po na nagtaas ng presyo."

Napatawa si Elena nang mahina. Hindi dahil nakakatawa kundi dahil alam niyang may naglalaro. Someone was trying to corner her.

"Okay."

Napatingin si Mia sa kanya. "Ma'am, okay lang po ba kayo?"

Tumingin si Elena sa malaking glass window ng opisina niya. Mula rito, kita niya ang buong Quezon City. Ang lugar kung saan niya sinimulan ang lahat. Ang buhay na binuo niya matapos mawala si Damian.

"I'm fine."

Pero kahit siya, alam niyang kasinungalingan iyon. Hindi siya okay. Sinong tangang magiging okay kung ganito ang nangyayari sa kaniya? Hindi niya alam kung kaya niyang protektahan ang lahat. Hindi lang ito tungkol sa kanya.

May mga empleyado siyang umaasa, may mga taong naniwala sa kanya. At may mga taong hindi niya pwedeng biguin. 

Kailangan niyang gumawa ng paraan.

---

Kinagabihan, naiwan siyang mag-isa sa opisina. Nakapatay na ang ibang ilaw at tanging desk lamp lang ang nakasindi. Sa harapan niya ay ang mga papeles ng kumpanya at sa tabi nito ay ang isang bagay na ilang taon na niyang hindi ginagamit.

Ang contact number ni Damian.

Matagal niya iyong tinitigan. Ang daling sabihin na madali lang iyong tawagan, isang pindot lang pero parang ang bigat-bigat gawin. Dahil alam niyang kapag lumapit siya kay Damian ay may kapalit iyon.

Walang libreng tulong mula kay Damian Vale.

"Stop thinking about him."

Mahina niyang sabi sa sarili pero kahit anong gawin niya, bumabalik ang alaala.

Kung paano siya nito tinitigan, kung paano siya nito niyakap noon. Kung paano siya nito pinaniwala na siya ang babaeng pipiliin nito habang buhay at kung paano siya nito sinaktan.

Napapikit siya.

Hindi siya pwedeng maging mahina. Hindi siya pwedeng bumalik sa dating Elena. Pero nang tumunog ang cellphone niya, napatingin siya agad. Hindi niya kilala ang number at nang sagutin niya...

Tumigil ang paghinga niya.

"Hello, Elena."

Boses pa lang ay kinabahan na siya. Isang boses na kahit ilang taon niyang hindi narinig, kabisado pa rin niya.

Damian.

Napahigpit ang hawak niya sa cellphone.

"What do you want?"

Tumahimik sa kabilang linya at kahit hindi niya nakikita, alam niyang hindi sanay si Damian sa ganoong tono mula sa kanya. Dati, kapag tinatawag siya nito, malambing pa ang boses niya.

"I know about your company."

Nanigas ang panga niya. Sinabi na nito ang bagay na yon nong nagkita sila sa isang event.

"Of course you do." Walang gana niyang sagot.

"Elena."

"What?"

Huminga nang malalim si Damian. "I can help you."

Napangiti siya nang mapait. There it was.

"At kapalit?"

Isang katahimikan na sapat nang sagot.

Napailing siya. "Alam ko may kapalit yan."

"Meet me tomorrow."

"I don't need your help." Mabilis niyang sagot dito. 

Langya! Nakaya kong itayo nang mag-isa ang negosyo ko. Kaya ko ring ayusin to ngayon ng mag-isa, bulong niya sa sarili. Hindi niya kailangan ng tulong nito.

"Elena—"

"I said no."

At bago pa ito sumagot ay pinatay niya ang tawag.

---

Kinabukasan ay hindi niya inaasahan na pupunta mismo si Damian sa opisina niya. Pero hindi na siya nagtaka.

Dahil iyon si Damian. Kapag may gusto ito, hindi ito naghihintay. Gumagawa agad ito ng paraan.

Lumabas si Elena mula sa conference room nang makita niya ito sa lobby. Nakatayo si Damian Vale sa gitna ng mga empleyado niya. Nakasuot na naman ito ng black suit at sobrang cold ng expression nito.

"Damian."

Lumingon ito at saglit ay nakita niya ang kakaibang emosyon sa mga mata nito. Parang may gusto itong sabihin pero pinigilan lang nito.

"Elena." Lumapit ito sa kaniya. "Let's talk."

"Kung tungkol ito sa tulong mo, malinaw na ang sagot ko."

"You're being stubborn."

Natawa siya. "And you're still controlling."

Nagtagpo ang mga mata nila at ilang segundo, walang nagsalita sa kanilang dalawa. Dahil pareho nilang alam na hindi lang negosyo ang tinutukoy nilang dalawa.

"You haven't changed." Sabi ni Damian.

"Neither have you."

---

Hindi niya maintindihan ang sarili kung paano siya napapayag ni Damian na pakinggan daw muna niya ang offer nito. Siguro hindi naman masama kung pakinggan niya ngayon. Baka naman kasi may matino pala itong sagot sa mga problema niya.

Kaya heto sila ngayon, nasa private meeting room ng building, inilapag ni Damian ang isang folder sa harapan niya pero hindi niya ito agad binuksan.

"Ano ito?"

"A solution."

"Dami mong sinasabi."

Nakita pa niya ang pagtigas ng panga ni Damian. Ayaw talaga nitong binabara ito.

Binuksan niya ang folder at doon niya nakita ang proposal na kung tatanggapin niya ay maliligtas ang Rose Atelier.

Napahawak siya sa papel. Alam niyang hindi mahirap iyon kay Damian. Alam niyang kaya nito iyon. Kung tutuusin, kaya nitong ayusin ang problema niya sa isang araw.

Pero may isang kondisyon at alam niyang darating iyon.

"What do you want?"

Matagal siyang tinitigan ni Damian. Hindi niya rin alam kung saan galing ang lakas ng loob niya upang tanungin ito. Paano pala kung hindi niya kaya ang gusto nito diba?

"Marry me again."