CHAPTER 07

PILIT NA PINAKAKALMA ni Maeve ang kanyang sarili ngunit mas nanaig ang emosyon sa kanyang dibdib. Wala ng ibang dapat na sisihin sa nangyari kung hindi siya lamang. Hindi siya matatapakan ng ganito kung hindi niya hahayaan ang kung sinuman na gawin iyon sa kanya.

Hindi mapigilan ng dalaga na maikuyom ang kanyang kamao. Ano bang akala ng mga Revera sa kanya? Isang bagay na kayang bayaran palagi ng pera?

Gusto niyang sagutin ang matanda ngunit hindi niya makakitaan ang sarili ng lakas ng loob na gawin iyon. 

“Are you done talking to my girlfriend?” 

Ganoon na lamang ang gulat ni Maeve kasabay ng paglingon kay Xavier. Nakasalikop ang kamay nito habang nakasandal sa pader at pinapanood sila.

“G-girlfriend?” gulat na tanong ni Gloria.

“A-ano po—”

“Hanggang ngayon number one pa ring mang-aagaw ang pamilya niyo, ano?” may pang-iinsultong tanong ng matanda sa binata. “Fiance siya ng apo ko! Hindi siya sa ‘yo!”

“Mawalang-galang lang po,” singit ni Maeve sa usapan bago pa lumaki ang hidwaan sa pagitan ng dalawa. “Hindi na ho ako fiance ng apo niyo. Natapos na iyon nang lokohin niya ako at ipahiya sa maraming tao.”

“At saan ka pupunta?” nanggigil na tanong ng matanda habang pisil ang kaliwang kamay niya. 

Dama ni Maeve ang pagbaon doon ng kuko nito ngunit hindi niya iyon ininda at pinili pa ring maging magalang sa matanda. Hindi niya nakakalimutan ang mga naitulong ng pamilya nito sa kanya noong kailangan niya ng pera dahil sa patong-patong niyang problema.

“Uulitin ko ho. Hindi ako pagmamay-ari ng kahit na sino, Donya Gloria. At para naman ho sa utang ng pamilya ko sa inyo…” ganoon na lamang ang malalim na paglunok ng dalaga. “Gagawin ko ho ang lahat mabayaran lang kayo. Salamat po at pasensya na sa abala.”

Dali-dali ang paglalakad ng dalaga. Parehong iniwan ang dalawa ayon sa akala niya ngunit ganoon na lamang ang kanyang gulat nang pigilan siya ni Xavier na sumunod pala sa kanya.

“Pinaglalaruan niyo ba ako?!” ramdam niya ang pinipigil na pagsabog ng emosyon mula pa kanina. “Ano bang palabas ito ng pamilya niyo? Bakit kailangang ako na lang parati ang taya?”

Umiigting ang panga ng binata habang madilim na nakatingin sa kanya. Kung kanina ay parang normal lang ang galit nito, ngunit nang mga sandaling iyon, makikita kung gaano kadilikado ang mga susunod niyang sasabihin na tila ba nakasalalay doon ang susunod niyang paghinga.

“Ano pa bang gusto ng pamilya niyo mula sa akin? Ubos na ubos na ako—”

“I said, I’m not part of that family!” 

Tila binuhusan ng malamig na tubig ang dalaga nang marinig ang malakas na pagkabasag ng bote ng alak matapos na tabigin iyon ng binata.

Sila lamang ang nasa likod ng pagtitipon dahil doon niya balak dumaan para tumakas at makalayo sa lugar na ito kung hindi lamang siya sinundan ng binata. 

Napalunok nang malalim si Maeve. Naiintindihan niya ang nararamdaman ng binata ngunit naunahan siya ng galit. Ngayon tuloy na iniwan na siya nito at naglakad papalayo, hindi matagpuan ng dalaga ang lakas ng loob para humingi ng tawad dito…

TAHIMIK NA PINAIIKOT ni Donya Gloria ang kupita na kanyang hawak. Pagkatapos na makausap si Maeve, marami siyang napagtanto. Hindi siya makapaniwala na babaeng inaakala niyang makokontrol nila ng mahabang panahon para sa mga plano sa kanyang mga apo ay unti-unti ng kumakawala sa kanyang palad.

Marami na ring panahon at pagbibigay atensyon ang naibigay niya rito kaya hanggang ngayon ay hindi niya pa rin ito susukuan. Wala na siyang ibang nakikita na magdadala ng pamilya na bubuuin ng kanyang apo kung hindi ang babae.

“Hindi siya mapupunta sa bastardong iyon,” may punto at siguradong sambit ni Gloria. “Napapasunod siya ni Drake. Wala na akong babaeng makita na galing sa lusak na magkakaroon pa ng malaking utang na loob sa pamilyang ito…”

Malaking asset ang mga katulad ni Maeve sa kanilang buhay. Dahil sa pagiging galing nito sa lusak ay alam nitong makipaglaro sa mapaghamong laro ng buhay. Kayang-kaya magtiis ng babae kahit ano pang hirap ang dumating dito. Higit sa lahat, malaking pakinabang sa kanilang kumpanya ang talino na mayroon ang dalaga. 

“Mama, you look so stressed!” bati sa kanya ng anak na si Divina na kadarating lamang.

“Kailangan nating higpitan ang pagkakatali ng leeg ni Maeve,” walang paligoy-ligoy na sagot niya sa anak. “She’s the best prospect para kay Drake.”

“But I like Ethel—”

“Hindi ka ba nag-iisip?” galit na tanong ng ginang. “Marami ng alam si Maeve sa pamilya natin. Kapag nagkamali tayo ng galaw, pwede niyang ikwento ang lahat ng baho ng pamilyang ito.”

“What about Drake? Hindi siya gusto ng anak ko, Mama—”

“If you want to run for the highest position in the next election, you should think like a politician, Divina!” may diing sambit ng matanda. “Si Maeve? Isang malaking charity ng pamilyang ito. Sa oras na malathala sa mga balita kung sino ang babaeng mapapangasawa ng anak mo, mas magiging mabango ka sa publiko.”

“Pero, Mama…” bakas pa rin ang pagtutol ni Divina sa plano nito para sa kanyang anak.

“Sa oras na mawala ang kapanyarihan natin sa syundad na ito, mas mahihirapan tayong makakilos sa mas malalaki pa nating plano, Divina. That brat?” patukoy nito kay Xavier. “Hindi niya pwedeng makuha ang lahat ng sa atin. Naiintindihan mo?”

Makikita ang labis na kalituhan kay Divina. Naroon pa rin sa ekspresyon nito ang pag-aalala sa anak ngunit sa huli, nagawa rin nitong tumango at sumang-ayon sa ina.

“Kailangan nating magsakrepisyo para manatili tayo sa itaas, Anak. Isang araw, kapag nasa tuktok na tayo, wala ng magtatangkang kumalaban pa sa atin…”

“What’s your plan, Mama?” tanong ni Divina na kumuha na rin ng kupita. 

“Do you really want to be part of that plan?” tanong ng matanda.

“If it gives me more power, why not? I will do everything for my son, Mama…”

Hindi na maitago ang pagkakangisi ni Divina. Ipinagpatuloy niya ang pagpapaikot ng kopita habang naroon ang pagkakangisi. 

Bibigyan niya ng surpresa si Maeve. Sisiguraduhin niyang hindi nito iyon matatanggihan hanggang sa mapagtanto ng dalaga na maling-mali na pinili nitong talikuran ang kanilang pamilya. Kapag nangyari iyon, gagapang pabalik sa kanila ang dalaga…