Chapter 15

Twis15

Isang linggo na ang nakalipas ay hindi pa rin gumaling si Trixxie. Ayaw niyang isipin na lumala ang vertigo niya. Baka nga sa paglilihi niya iyon. Ayaw muna niyang ipaalam sa mga magulang ang kalagayan. Ayaw niyang muling ma-disappoint sa kanya ang mga ito. Ngayon na okay na sila ng kapatid at hipag ay nagpapasalamat siya na hindi itinuturing na iba ni Erica ang anak niya. Kahit gigil na gigil ito sa Kuya Harvey ay siya namang giliw nito kay Trevin. Nakatulong ang pananatili nila sa kanilang mansion dahil kahit tanghali na siyang nagigising ay may mag-aasikaso ng anak.

Nang hapon na iyon ay dinalaw siya ng kaibigan na sina Barbie at Trinity. Buti pa ang mga ito at may mga asawa na at masaya sa kanilang buhay. Samantalang siya ay nasa miserable na sitwasyon.

Doon sila pumwesto sa veranda ng kwarto ni Trixxie. The usual na pwesto nila kahit noong kabataan nila. Kaunting kamustahan at maya maya pa ay naghatid si Yaya Pa