Chapter 82

Matuling lumipas ang mga buwan at naging maayos naman ang pinagbubuntis ni Trixxie. Akala nila magiging maayos na ang kanilang buhay pero muling may nagtangka na nanloob sa tahanan ng mga Mendez. Nahuli ang mga salarin lalo at nakuryente ang mga ito sa wire fence na naka-install pala tuwing gabi sa bakod nila Gavin.

Kasalukuyang nasa isang tagong bodega sina Trevin habang ini-interrogate niya ang dalawang lalaki na nahuli nila.

“Ayaw n’yo pa rin kumanta kung sino ang mga amo ninyo?” tanong ni Trevin habang pinagkiskis ang mga livewire na ididiin niya sa mga salarin.

“Wala kaming amo!” sigaw ng lalaki habang halos mabaliw na sa takot. Ididiin na sana ni Trevin ang wire dito nang pumiyok ang isa.

“Si Sir Salvador ang nag-utos sa amin,” sigaw ng isa.

“Gago! Papatayin tayo ng mga Guevarra,” singhal ng isa. Napangiti si Trevin lalo at di na nila kailangan na dungisan ang kanilang kamay para parusahan ang mga salarin. Kailangan lang nilang pakawalan an