Chapter 83

Six years later

“Sino ang lalaking ‘yun Tatiana, huh?” galit na tanong ni Trevin sa kapatid.

Kasalukuyang sinusundan ng bente tres anyos na si Trevin ang kapatid na katatapos lang ng debut nang nakaraang buwan.

“Kausapin mo ako. Huwag mo akong talikuran!” Nangalaiti na si Trevin sa kawalan ng pakialam ng kaisa-isang kapatid na babae sa kanyang sinasabi. Nahuli lang naman niya ito sa bar sa kabilang bayan. Ang paalam lang nito ay may tatapusin na group project. Pero, lingid sa kaalaman nito, may tracking app siyang kinabit nang palihim sa cellphone nito. Nagulantang pa ito nang inabutan niyang inisang lagok ang tequila kasama ang isang lalaking matangkad na hindi pamilyar sa kanya. Nakapulupot ang braso nito sa baywang ng kapatid at base sa sweetness ng dalawa, duda siyang may relasyon ang mga ito.

“Am I still entitled to say anything?” asik ni Tatiana sa kapatid. Tinalikuran ang kapatid at saka umakyat na ng hagdan. Dahan-dahan ang ginawa niyang pag-aky