If this is my end

Mabilis kong iniling-iling ang ulo ko, hindi ko na alam kung may pag-asa pa ba ako na maligtas sa pagkakataon na ito. Tanging pagpikit nalang ng aking mata at pagpigil ng hininga ang nagawa ko ng itaas niya ang tubo para ihampas sa akin.

Hindi lingid sa akin na isang hampas palang noon ay maari ko ng ikamatay, kung sakaling mangyari iyon ay h’wag naman na nila sanang paglaruan ng aking katawan. Ang mga luhang pilit kong pinipigilan ay nag uunahan na pumatak mula sa aking mata.

Ilang segundo at minuto, ngunit sabay-sabay na mura ang narinig ko sa paligid. “Damn, hindi ko alam ang ginagawa ko pero tiyakin mo na tutulungan mo kami pag nakaalis tayo dito.” Malapit ang boses ni Jay habang sinasabi iyon, agad kong minulat ang aking mata at nakita ko siyang nagmamadaling inaalis ang lock ng kadenang nakatali sa akin.

“A-Anong ibig sabihin nito?” Naguguluhan kong tanong, napatingin rin ako sa mga kasama niya, nakikipagbugbugan na ang mga ito sa bodyguard ni John.

“Hindi pa ba obvious, tinatan