Chapter 20

NAGISING ako at napansing hindi pamilyar ang kamang aking hinihigaan.

Parang mas lumaki at iba ang amoy ng mga bedsheets at unan. Dahan-dahan akong nagdilat ng mata kahit pa hinihila ako ng antok.

Nagulat ako dahil iba na ang kulay ng dingding. Kombinasyon na ito ng itim at puti.

Saka ko lamang naalala ang lahat. Mula sa bagyo at ang mga damdaming pinakawalan namin ni Lance.

Bahagya akong napangiti dahil wala akong nararamdamang pagsisisi sa mga nangyari.

Ilang beses ding naulit ang pag-iisa namin ng katawan bago tuluyang naidlip.