Chapter 45

"Kaileen?" ulit na pagtawag sa akin ni Tiya Chona nang hindi ako sumagot.

Hindi katulad sa asawa niya na matindi ang takot na nararamdaman ko, sa kan'ya ay may kaunting respeto pa. Pinakain at pinag-aral niya pa din naman ako kahit pa araw-araw niya akong inaalila. Inintindi ko iyon dahil malaki raw ang kasalanan na ginawa sa kanila ng tunay kong ina.

Kung bakit ako ang kailangang magbayad ay hindi ko maunawaan.

Ang hindi ko lang kayang matanggap ay nagawa niya pang kampihan ang masamang ginawa ng asawa niya laban sa akin.

Hinawakan ni Zid ang kamay ko at iniharang ang sarili sa pagitan namin ni Tiya Chona.

"Kaileen, ipinakulong ng taong ito ang tiyuhin mo. Ikaw ba ang nagsolsol sa kan'ya para gawin iyon?" Alam kong pinipigilan lang niya ang pagtaasan ako ng boses dahil bakas ko na ang pagtitimpi niya.

Wala akong ideya kung ano ang nangyari sa pagpunta ni Zid sa police sta