3

Lumunok siya at sinarado ang kamao. Gusto niyang magalit at saktan ang nobyo at stepsister niyang magkatabi sa kama. Walang saplot at kapwa kumot ang nakatabing sa katawan. Nakahiga sa bisig ni Lorcan si Marigold habang magkayakap silang dalawa.

Bahagya siyang kumiling at suminghap. Pinigilan niyang ang sariling magalit. Kanina lang ay nakokonsensiya siya sa nagawa niya pero katulad niya, sumiping din pala sa ibang ang nobyo niya at sa stepsister pa niya. Gusto niyang matawa.

Binuksan ni Kiana ang hawak na cellphone at agad kinunan ng picture at video ang dalawang nasa kama. Gusto niyang maging kalmado pa rin kahit galit na galit siya at sasabog na.

Tinapat niya ang camera sa mukha niya. Walang luha pero durog na durog siya.

"Hi guys! Nakakatuwa naman dahil ngayong araw my boyfriend surprised me with my stepsister at sobrang na-surprise nila ako. Look at them and see how they surprised me. Ang galing, 'di ba? Super effective ng surprise." Mapakla siyang natawa, may sakit at kirot.

"K-Kiana!"

Gulat na gulat na napatingin sa kaniya si Lorcan at maging si Marigold ng magising ang mga ito. Agad nilang tinakpan ang katawan ng kumot at ang kamay nila ay hinarang sa mukha.

"Kiana, stop! Don't you dare film me," maarte ani Marigold.

"Oww! Bakit nahihiya pa ba kayong magpakita sa camera? May kahihiyan pa ba kayo? Hindi ba't ito ang surprise niyo sa akin? I'm happy and surprised. Salamat, Love sa sorpresa," sarkastiko niyang sabi. Pinatay niya ang video. Madiin ang hawak niya sa cellphone.

"Mga hayop kayo! Sa sarili ko pa talagang silid at kama?"

"K-Kiana, a-anong—what the f*ck!"

Gulat na napatingin si Lorcan at Marigold kay Ambrose.

Natawa siya. "Look at them, Ambo that's how my boyfriend wants me to surprise at effective huh."

"N-No, Kiana i-it's not what—"

"Hayop ka!" Agad sumugod si Ambrose at binigyan ng suntok si Lorcan. "How dare you do this to Kiana, huh?" Isa pa uling suntok.

Binalingan niya si Marigold. Nilapitan niya ito at agad hinawakan sa buhok. Hinila niya ito. Hindi nito binitawan ang kumot.

"Hindi ka lang palang demonyo, ahas ka rin," galit na sabi niya. "Matagal ko ng itong gustong gawin sa iyo, Marigold." Isang malakas na sampal ang ginawad niya sa babae. Nagtitili ito at nagsisigaw.

"How dare you! Binigay ko lang sa boyfriend mo ang bagay na hindi mo kayang ibigay sa kaniya, Kiana."

Natawa siya. "Binigay mo ang gusto niya o dahil matagal ka ng kinakati sa boyfriend ko—no my ex-boyfriend? Malandi ka, Marigold at alam kong matagal ka ng may pagnanasa kay Lorcan. And now, he's yours. Iyo na si Lorcan." Marahas niya itong binitawan at napaupo ito sa sahig.

Agad nilapitan ni Lorcan si Marigold at inalalayan ito. May dugo na ito sa labi dahil sa suntok ni Ambrose.

"Hayop kang lalaki ka! Where did you get the nerve to cheat with Kiana? After what she did to you, ito lang igaganti mo sa kaniya? Baka nakakalimutan mo, si Kiana ang dahilan kung bakit nakapasok ka sa L.A Gaming company," galit na galit na sabi ni Ambrose. Dinuduro pa nito si Lorcan.

"Ginawa niya lahat 'yon para i-please si Lorcan, para hindi siya iwan katulad ng pag-iwan sa kaniya ng mga magulang niya. Hindi ba, Kiana?" balik ni Marigold. Nagawa pa nitong ngumiti.

Natigilan siya pero lahat ng sinabi nito, tumagos sa puso niya. Natulala siya saglit habang lahat ng trauma sa nakaraan niya, naalala niya.

"Umalis na kayong dalawa sa kwarto ko! Alis!" sigaw niya, galit na galit. Mabilis na inalalayan ni Lorcan si Marigold para lumabas ng silid.

Nang mawala ang dalawa, bumagaak siya. Mabuti na lang at agad siyang nasalo ni Ambrose. Saka parang mga buhos ng ulan na pumatak ang luha sa kaniyang nga mata. Para siyang bote na binabasag ng paulit-ulit dahil sa matinding sakit at kirot na nararamdaman niya.

Hanggang sa napahagulhol na siya. Niyakap niya si Ambrose at umiyak sa balikat nito.

"Hindi ka niya deserve, Kiana."