Chapter One Hundred Thirty Eight

“Imposibleng buhay pa ang taong ‘yon,” sabi ni Neera.

“Paano mo nasabing imposible?” tanong ni Axel, seryoso.

Huminga nang malalim si Neera at nagsimulang magkwento.

“Isa sa mga misyon namin noon, kasama ang mga militar at pulis, ay pasukin ang isang eskwelahan na nagpapanggap bilang ordinaryong private school. Pero ang totoo, isa ‘yong illegal research facility kung saan pinag-eeksperimentuhan ang mga estudyante. Ang pangalan ng eskwelahan ay St. Bernard Academy.”

Napatingin sa isa’t isa sina Axel, Russell at River habang nakikinig.

“Ang mga estudyante roon ay mga batang kapuspalad, mula sa mahihirap na komunidad, mga inabandona. Ginagamit lang sila bilang panakip para itago ang mga illegal na eksperimentong ginagawa sa ilalim ng eskwelahan. May underground facility na puno ng hindi aprubadong gamot, torture, at mga eksperimento sa buhay na tao, at lahat ng ‘yon, ginagawa sa mga estudyante.”

Huminto si Neera saglit bago muling nagsalita.

“Habang isinasagawa ang raid, big