Chapter 3

8 pm sharp, nasa harap si Jana ng Grand Hyatt Residences, BGC.

Hindi siya makapaniwala. Ito yung pinakamahal na condo sa buong BGC. Dito nakatira mga bilyonaryo at artista. At dito siya titira ngayon? Kaya ba niya makisama at makasama sa isang bubong ang masungit na boss niya?

Naka-simple white dress lang siya at may dalang isang maleta. Ayaw niya magdala ng maraming gamit dahil baka hindi nagtagal palayasin din siya ng boss niya o siya ang di makatagal sa ugali nito.

Nag-text si Jinu ng lokasyon at instructions. Pumasok ka na. Lawyer is here.

Kinakabahan siyang pumasok. Pagdating sa 52nd floor, bumukas ang elevator diretso sa loob ng penthouse. Walang hallway. Yung elevator, penthouse na agad.

At bumungad sa kanya ang napakalaking bahay.

Floor-to-ceiling windows. Tanaw ang buong Manila. May private pool sa balcony. May dalawang floor. At ang bango - amoy kay Jinu.

Nandoon si Jinu, naka-black shirt at naka-slacks. Walang suit. Mas gwapo lalo ito pag naka-pambahay lang. He even looked younger in a casual shirt. At may kasama siyang matandang lalaki na naka-suit- yung lawyer.

"You're late. 3 minutes," sabi ni Jinu in a serious tone.

Ang impatient talaga. Sa isip niya.

"Sorry po Sir, traffic po—"

"From now on, you're not just my EA. You're my wife. Don't call me Sir when we're in public or with family. Call me Jinu. Or love. Or hon. Whatever is believable."

Namula si Jana. Love? Hon?

"Miss Jana Santos?" tanong ng lawyer.

"Opo."

"I'm Atty. Reyes. Ito ang contract. Basahin mo bago pumirma."

Mabilis na binasa ni Jana ang mga nakasaad sa kontrata. Habang nagbabasa siya, tinitigan siya ni Jinu.

Ten million. Marriage. One year. Live-in. No feelings and commitment involved.

"May tanong ka?" tanong ni Atty. Reyes.

"Wala po," sagot ni Jana.

"Pirmahan mo na," sabi ni Jinu.

Matagal niyang tiningnan ang papel. Too late to back out. Pinirmahan ni Jana. Pagpirma niya, parang pinirmahan niya na din kaluluwa niya.

Pinirmahan din ni Jinu. At ng lawyer.

"Congratulations, Mr. and Mrs. Alcantara," sabi ni Atty. Reyes na parang walang nangyari. "Effective tomorrow, legally married kayo sa papel. I will process everything. After one year, I will also process the annulment."

Umalis ang lawyer.

Naiwan si Jana at Jinu sa malaking penthouse. Tahimik. Awkward.

"So..." nahihiyang sambit ni Jana.

"Rules," sabi ni Jinu at may kinuha ulit na papel.

"Rule number 1: You will stay in the guest room. My room is on the first floor master's. Don't enter without knocking. Ever."

"Opo."

"Rule number 2: You can use everything in this house except my office. My office is off-limits."

"Opo."

"Rule number 3: Every Sunday, we will have dinner with my Lola in Forbes Park. You must act like a loving wife. Clingy if needed. Lola is smart. She will know if fake."

"Paano po mag-act na mahal ka?"

Jinu looked at her. Lumapit ito. One inch na lang, magkadikit na mukha nila.

"Like this," sabi ni Jinu at hinawakan ang bewang ni Jana.

Nanigas si Jana. Amoy na amoy niya pabango ni Jinu. Ang init ng kamay nito sa bewang niya.

"Relax. Ang stiff mo. Para kang tuod," sabi ni Jinu at binitawan siya.

"Rule number 4: No boyfriends while contract is active. No dating. No flirting with other men. I don't want issues."

"Opo. Wala naman po akong boyfriend," bulong ni Jana.

"Good. Rule number 5: You will still work as my EA in the office. Pero pag nasa office, boss pa din ako. Wag mo isipin na dahil asawa kita sa papel, pwede ka na late at petiks-petiks. We will keep our marriage secret in the workplace. Family lang ang dapat makaalam, " Jinu said sternly.

"Opo Sir— Jinu."

"Better." Tumalikod si Jinu. "Your room is upstairs. First door on the left. May mga damit na dun na pinabili ko, along with your other needs. Pumili ka ng damit para bukas. We have Lola's birthday dinner tomorrow at 7pm. Need mo magmukhang mayaman na asawa."

Umakyat si Jana sa kwarto. Pagbukas niya, napasigaw siya nang mahina.

Ang laki ng guest room. May walk-in closet at puno ng damit. Mga branded lahat. At may shoes and bags! May isang jewelry box na may note: "For my contract wife - J."

Hindi alam ni Jana kung kikiligin o maiiyak.

Binuksan niya maleta niya. Kinuha ang picture ng parents niya.

"Ma, Pa... may asawa na ako. Pero contract lang. Para sa bahay. Para sa pangarap. Sana maintindihan niyo. Sana makayanan ko itong pinasok ko."

Bumaba siya para uminom ng tubig. Nakita niya si Jinu sa kusina, nagluluto. Naka-apron pa!

"Marunong ka pala magluto Sir— Jinu?" sabi ni Jana.

"Don't sound so shocked. I live alone. Of course I cook," sabi ni Jinu habang nagpiprito ng egg. "Gusto mo?"

"Opo."

Binigyan siya ni Jinu ng isang plate ng fried rice at egg. Umupo sila sa island counter, magkatapat.

First time nilang kumain ng sabay na hindi office related.

"Masarap po," sabi ni Jana.

"Don't call me po pag tayo lang dalawa. It's weird. I'm only 6 years older than you."

"Opo— I mean, okay."

Tahimik silang kumain. The deafening silence made her feel more awkward. Namumula siya kapag nagkakatitigan sila. Biglang nagsalita si Jinu.

"Yung bahay mo sa Valle Verde. Hindi ko pa nabayaran. Bukas, pupuntahan ng secretary ko ang bangko para bayaran ang 1.2M. And yung supplier mo, bayad na kaninang hapon. Check your phone."

Chineck ni Jana phone niya. May email: "Debt Settled: Php 800,000 - Santos Textile Supplier."

Napaiyak si Jana. "Thank you—"

"It's in the contract. It's not free. You're working for it," malamig na sabi ni Jinu.

Pinunasan ni Jana luha niya. "Yung sa Milan—"

"Next week, after Lola's birthday, babayaran ko. So stop crying. Pangit ka na nga umiyak, lalo ka pang pumapangit."

Napatawa si Jana sa gitna ng iyak. "Grabe ka naman Sir— Jinu!"

For the first time, nakita ni Jana na ngumiti si Jinu. But it vanished quickly. May dimple pa pala ito sa kaliwa. Bumalik agad ang cold at seryosong aura nito.

"Magpahinga ka na. I'm tired, " sabi ni Jinu.

"Sige Sir."

Umakyat si Jana. Paghiga niya sa malambot na kama ng penthouse, tinitigan niya ang ceiling.

Mrs. Jana Kale Alcantara na siya. For one year. Parang di siya makapaniwala.

"Ano ba Jana, drama niyo lang yan. Don't you ever get affected, " saway niya sa sarili.

Pero bakit parang ang bilis ng tibok ng puso niya?