Chapter 4: Pirma ng Kapalaran

Mahigpit na hinawakan ni Gea ang ballpen.

Isang kuntrata sa harap na magpapabago sa kanyang buhay.

Muli nyang pinagmasdan ang bawat detalye ng kuntrata,sinisiguro na wala syang nakakaligtaan , walang salita na pwedeng ikapahamak nya at walang lihim na kapalit.

Ito na ang tanging paraan at pag asa na hinahanap nya.

"Kung may tanong ka,itanong mo na" Mahinang sabi ni Ethan pero seryoso.

Tahimik si Gea na nag isip pa ng ilang mga bagay na pwedeng linawin sa likod ng kontrata at Huminga ng malalim.

"May karapatan ba akong umalis anomang oras ko gustuhin?" Tanong nya .

"Oo," sagot ni Ethan. "My clause jan sa kontrata na pwede kang mag exit kung kailan mo gusto,pero kailangan mo ibalik ang nagastos."

Biglang nanlaki ang mata ni gea.

"Ibabalik?"

"Oo,lahat kailangan mong ibalik lahat ng natanggap mo hanggng sa panahong iyon."

Natahimik si Gea.

"Ibig sabihin kung aalis ako, lahat ng nagastos mo kailangan kong bayaran? " Tanong ni Gea.

"Oo,ganun nga," sagot ni Ethan. "Pero di kita hahabulin kung wala kang kakayahan,ang kontratang iyan ay proteksyon ko kung sakali."

Muling natahimik si Gea at nag isip.

" May hangganan ba kung ano ang pwede mong iutos sakin?"tanong nya.

" Hindi kita uutusan,"sagot nya. " May mga itinalaga akong inaasahan para sa bagay na yan,wag ka mag alala,hindi kita aalipinin."

Muling natahimik si Gea.

"Kung sakaling....halimbawa, Kung sakaling may maka alam ng kasunduan? Di ba ang nakasulat dapat walang makaka alam mg kontrata?paano kung may maka alam, Ano ang mangyayari? " Tanong nya.

"Parusa, "sagot ni Ethan. " Pero dalawa tayo ang mananagot... Wag ka mag alala di kita iiwan pag nagka problema."

Tahimik si Gea habang nakayuko at patuloy pa ring pinagmamasdan ang bawat linya na nakasulat sa kontrata.

Bawat sagot ni Ethan ay seryoso at deretso. Ngunit ramdam pa rin ni Gea ang bigat sa disisyon .

"Paano kung sakaling magustuhan ko kayo habang lumilipas ang panahon?" Tanong nyang mahina pero malinaw at deretso.

Napatingin si Ethan sa kanya at tahimik ng ilang segundo bago nag salita.

"Hindi mangyayari," sagot nya. "At kung sakali man na mangyari yun ay hindi yun magiging parte ng kasunduan.

Tahimik ulit si Gea.

"Pano kung magustuhan nyo ako?" Tanong nya.

Natigilan si Ethan.

Tumayo si Ethan at humakbang paharap sa malaking bintana ng ilang segundo at pagkatapos ay ibinaling muli nito ang tingin kay Gea.

Sa pagkakataong ito ay tinitigan ni Ethan si Gea sa mga mata ng limang segundo may halong kakaibang emosyon.

"Huwag nating gawing komplekado ang sitwasyon. "Sagot nito." Mas mabuti kung walang mangyayaring ganun... Manatili tayo bilang mag asawa sa papel. "

At pag katapos ay humarap ulit sa malaking bintana.

Natahimik si Gea.

Biglang pumasok sa isip ni Gea ang mukha ni Lea habang nakangiti ito at puno ng pag asa sa kanya bago umalis .

Huminga sya ng malalim.

"Piperma na po ako." Sabi nya.

GEA RIVERA

Matapos pirmahan ni Gea ang kontrata ay parang biglang tumigil ang ikot ng mundo.

Muli nyang naramdaman ang bigat sa dibdib

Na parang sinasabi ng kanyang puso na ito na ang sagot sa problema.

Agad namang tumayo si Ethan at kinuha ang kontrata at pumirma na rin ito.

ETHAN VALE

" Ayan ,ayos na ang kasunduan."sambit nito." Simula ngayon,ikaw na ang asawa ko."

Biglang nanlaki ang mga mata ni Gea.

"Ngayon po?" Tanong nya.

"Oo," sagot nya,"sa mata ng mundo asawa na kita." Dugtong pa nya.

Tumayo si Ethan at humakbang palapit kay Gea at hinawakan ang balikat.

"May event tayong pupuntahan mamayang gabi," sabi nya. "Kaya mag mula ngayon,magkasama na tayo."

"Pero paano ang kapatid ko? " Tanong nya.

"Wag ka nang mag alala,naipadala ko na ang bayad,nagsimula na rin ang gamutan ng kapatid mo ngayong araw kaya wala ka ng dapat na ipangamba pa,inayos ko na ang lahat." Sagot nito.

Nanlaki ang mata ni Gea dahil sa pagkagulat.

" Talaga po? " Tanong nya na halos hindi makapaniwala.

"Oo," sagot nito. "Bago pa man kita ipinatawag, ipinahanda ko na ang lahat, hindi ako nangangako na hindi ko kayang tuparin." Dagdag pa nya.

Dahil sa narinig, biglang gumaan ang pakiramdam ni Gea at nakahinga ng maluwag.

"Maraming Salamat po." Sambit nito na may ngiti sa mga labi habang nakayuko ng bahagya.

"Wag ka magpasalamat sakin," sagot nito, "tandaan mo, isa itong kasunduan sa pagitan nating dalawa."

Tahimik si Gea.

" May sasabihin ka pa ba? Kung meron ka pang tanong sige lang. "Sambit nito.

Huminga ng malalim si Gea at umatras ng bahagya kay Ethan at lumapit sa bintana. "Hindi ko alam kung tama ba itong ginawa ko." Sabi nya. " Pero ,para sa kapatid ko,gagawin ko ang lahat ng makakaya ko bilang asawa mo." Sabay lapit kay Ethan at hawak sa bisig.

Tumango si Ethan at sinabi.

"Bukod sa kasunduan, may mga patakaran tayo dito , ipapaliwanag ko sayo ang lahat."

Tumayo si Ethan at binuksan ang drawer , kinuha ang dokumento at iniabot sa kanya.

" Basahin mo. " Sabi niya.

Agad namang kinuha ni Gea ang papel at binasa.

Rule 1: Walang paglabag sa personal na espasyo.

Rule 2: Walang personal na pakikialam sa buhay ng isa’t isa.

Rule 3: Sa harap ng publiko, mag-asawang mag-asawa tayo.

Rule 4: Sa pribado, panatilihin ang distansya.

Natahimik si Gea ng ilang segundo.

" Ito lang po ba Sir?" Tanong nito.

Tumango si Ethan. " Oo." Sagot niya.

" Ahh,may isang bagay pa," dagdag pa nya ."Mula ngayon,tawagin mo na akong Ethan o sa kahit anong tawagan ng mag asawa, hindi na sir." Sabi niya.

Bahagyang nanlaki ang mga mata ni Gea.

"Ha..?bakit po?" Tanong niya.

"Anong bakit po!" Sagot niya, "natural dahil ikaw ang asawa ko...hindi empleyado!"

"Opo.... Sir,I mean Ethan." Mahina pero pabirong sabi ni Gea.

Biglang parang may kung anong dumaan sa mga mata ni Ethan na agad rin namang nawala.

"Mag impake kana." Sambit ni Ethan,"mamayang gabi lilipat kana dito sa bahay ko."

Nanlaki ang mata ni Gea at nag tanong

"Ngayon na po?"

"Oo, ngayon na, dahil wala na tayong oras." Sagot nito.

Sa loob lang ng ilang oras ay bigla nang nagbago ang buhay ni Gea.

Mula sa isang babae na nawalan na ng pag asa at umiiyak sa gitna ng ulan, ngayon ay asawa na ng CEO ng kumpanyang pinagtatrabahuhan nya.

Bagamat ramdam pa rin nya ang kirot sa dibdib ngunit alam nya na ang lahat ng ito ay simula pa lamang na panibagong yugto ng kanyang buhay.