Chapter 5: Unexpected Wife

Habang binabaybay nila ang mahabang kalsada papunta sa bahay ni Ethan.

Tahimik namang nakaupo si Gea sa tabi ng bintana habang hawak nya ang maliit na bag na may laman ng kaunting damit at iilang personal na dokumento. Hindi pa rin sya makapaniwala na ilang oras lang ang lumipas ay biglang nabago ang kanyang buhay. Ang dating karaniwang empleyado lang , ngayon ay asawa na ng CEO ng kumpanya.

Habang nakamasid sa labas ng bintana si Gea, hindi nya alam kung ano ba ang mas mabigat sa kanyang dala, ang maliit na bag o ang malaking responsibilidad sa kanyang puso.

Samantala, tahimik rin si Ethan sa kabilang side ng upuan sa tabi ng bintana. Nakatuon ang tingin sa labas ng kalsada. Seryosong muka na parang may malalim na iniisip na hindi nya masabi. Napapansin ito ni Gea pero hinayaan nya na lang muna.

Matapos ang mahabang paglalakbay, nakarating na sila sa isang napaka laking gate ng malawak na mansyon. Ang bahay ni Ethan.

Biglang nanlaki ang mata ni Gea sa nakita.

"Wow" napahanga si Gea sa ganda ng bahay ni ethan. "Hindi ito mansyon! Para itong isang napakalaking palasyo." Sambit nito sa sarili.

Malawak ang hardin, magagandang ang ilaw sa daan, at napakataas na bahay, at napaka tahimik ang paligid na parang naghihintay sa kanilang pagdating.

Naunang lumabas ng kotse si Ethan at agad na binuksan ng pinto para kay gea.

"Maligayang pagdating ," bati nito sa asawa.

Tahimik si Gea na bumuba ng kotse pero hindi pa rin sya makapaniwala sa kanyang nakikita. Kakaibang saya agad ang kanyang naramdaman.

Pag pasok nila sa bahay, agad naman silang sinalubong ng mga kasambahay na nakapila .

"Magandang gabi po Sir!" Sabay sabay na bati ng lahat.

Tumango si Ethan .

"Ito ang aking asawa, si Mrs. Gea Vale!" Kalmadong Pagpapakilala nya sa lahat ng naroon.

Parang may kumurot sa dibdib ni Gea ng marinig.

Mrs. Vale, isang apelyedong hindi nya inakala na magiging kanya kailanman.

"Magandang gabi po Ma'am!" Bati ng lahat ng sabay sabay.

"Magandang gabi rin sa inyong lahat." Tugon nya na nakangiti at bahagyang nakayuko.

Biglang nakaramdam si Gea ng kakaibang bigat sa kanyang dibdib na parang hindi sya nararapat na kabilang sa bahay ni Ethan.

"Samahan nyo muna si Mrs. Vale sa kanyang kwarto para makapag pahinga ." Utos ni Ethan sa isang kasambahay.

"Yes sir!" Sagot ng kasambahay.

Habang tahimik na sinusundan ni Gea ang kasambahay ay mariin nyang pinagmamasdan ang bawat desensyo sa paligid, mga paintings na nakasabit sa ding ding, malalaking ilaw sa kisame, mga mamahaling kagamitan, at ang katahimikan sa bawat sulok ng bahay na parang may kasamang lihim.

" Dito po ang kwarto ninyo Ma'am," sabi ng kasambahay pagkatapos ay binuksan ang pinto.

Bumungad sa paningin ni Gea ang isang maluwag na kwarto, napakalaking kama, may sariling banyo dalawang malalaking bintana na tanaw ang buong hardin.

Ngunit sa kabila ng kagandahan nito at katahimkan habang pinagmamasdan ay naramdaman ni Gea na parang may isang uri ng kalungkutan sa loob ng kwarto na hindi pa natitirhan ng isang tao na may pusong sugatan.

"Maiwan ko na po kayo Ma'am, kung may kailangan pa po kayo, sabihin nyo lang po." Sabi ng kasambahay bago umalis.

"Oo, sige." Sagot ni Gea.

Naiwan nang mag isa si Gea sa kwarto

Umupo sa gilid ng kama. "Ganito na pala ang buhay ko,di ako makapaniwala na ilang oras lang ang lumipas. "Bulong nito sa sarili.

Ilang sandali ay may kumatok sa sa pinto.

Napabalikwas si Gea .

"Pasok!," sabi nya.

Pumasok si Ethan.

"Kumusta? May kailangan ka ba?" Tanong nito sa asawa.

"Wala po." Tugon nya. "Salamat."

Tahimik silang dalawa sandali pagkatapos ay nagsalita si Ethan.

"May event tayo mamaya" sambit niya. "Kailangan natin mag mukang mag asawa."

Tumango si Gea at sinabi.

"Opo" sagot nito. "Pero paano kung magkamali ako, at hindi ako kumilos na parang asawa mo?" Tanong nya na may halong pangamba.

"Gawin natin ng natural paunti unti,"kalmadong sagot ni Ethan." Walang perpekto sa atin. "

Tahimik si Gea at tumango

"May darating na stylist maya maya, tutulungan ka nilang maghanda at mag ayos. "Sabi ni Ethan.

" Opo, "tugon nya.

Huminga ng malalim si Gea

" May tanong ka pa ba? "

" Wala na po." Sabi nya.

"Kung ganun lalabas na ako." Tugon ni Ethan.

"Opo."

Pagkatapos ay lumabas na si Ethan ng kwarto, maya maya pa ay dumating na rin ang Stylist Team.

Pinagandahan nila si Gea, inayos ang buhok, pinasuotan ng magarbo at eleganteng gown na kulay pula at nilagyan ng simpleng make up.

Habang nakaupo sa harap ng salamin, hindi na makilala ni Gea ang sarili.

Isang babae na napaka ganda ang kanyang nakikita.

Hindi na sya ang dating Gea na umiiyak sa gitna ng ulan,palaging pagod, walang pag asa at desperado.

Sya na ngayon ang bagong Gea, babaeng may dignidad, lakas, at katahimikan at isang babae na kayang tumayo sa tabi ng CEO.

Pero sa kaloob looban ng kanyang puso, ay sya pa rin ang Gea na may takot at pangamba at pagdududa sa sarili at umaasa na tama ang kanyang naging disisyon.

"Ayan!! Handa na po kayo Ma'am!" Sabi ng stylist.

Tumayo si Gea sa harap ng salamin at huminga ng malalim habang nakatingin sa sarili.

Paglabas nya ng kwarto, nakita nya si Ethan na naghihintay, nakasuot na kulay itim na suit at seryoso ang mukha.

Sa sandaling iyon, ay nagkaroon ng panandaliang katahimikan sa pagitan nilang dalawa.

Hindi sya nagsalita at hindi rin sya gumalaw, ngunit sa mga mata ni Ethan ay may kaunting pag iwas dahil sa naramdaman nyang hindi inaasahan.

"Handa kana ba?" Tanong ni Ethan.

"Opo,handa na ako," sagot nya.

Kinuha ni Ethan ang mga kamay ni Gea at sabay na lumabas ng bahay patungo sa sasakyan.

Habang nasa loob ng sasakyan, ay muling naging tahimik ang bawat isa.

Nagkaroon ng kakaibang tensyon sa kanilang dalawa hindi dahil sa event kundi dahil sa hindi nila alam na pareho na nilang naaapektuhan unti unti ang isa't isa.

Pagdating nila sa venue.

Agad silang sinalubong ng mga camera, ilaw at ng mga taong naka abang.

"Sir Ethan, sino po ang kasama ninyo?" Tanong ng isang reporter.

Huminga ng malalim si gea at sinabing "ito na!"

Agad namang maingat na inilagay ni Ethan ang kanyang kamay sa likod ni Gea ,sapat lang para maramdaman nito ang init ng palad ng kanyang kamay.

"Ito ang aking Asawa! Si Gea Vale!" Malinaw na sagot ni Ethan sa mga reporter.

Pakiramdam nya biglang tumigil ang mundo.

Lahat nakatitig sa kanya.

Nakangiti pero ramdam ang panginginig sa loob nya .

Sa sandaling iyon ay hindi na sya ordenaryong babae kundi isa na syang ganap na bahagi ng mundo ni Ethan Vale.

Sa gitna ng mga camera, ilaw at mata ng publiko ay naramdaman ni Gea ang kirot sa kanyang dibdib, hindi dahil sa takot kundi dahil sa isang pakiramdam na bigla nalang sumulpot.

Isang pakiramdam na hindi nya dapat maramdaman sa relasyon na nagsimula lang sa kontrata.