KABANATA 6

KABANATA 6: Coffee

NALA

Mariin kong ipinikit ang mga mata ko matapos kong hithitin ang malborong nakaipit sa daliri ko pagkatapos ay binuga ko ang makapal na usok na galing sa bibig ko.

Nandito ako ngayon sa labas ng bahay ko para mag yosi. Ayaw ko kasing mag-amoy sigarilyo sa loob ng bahay kaya nandito ako sa labas kagaya ng nakasanayan ko.

Kakauwi ko lang galing sa trabaho dahil tinapos ko talaga ang mga kailangan kong gawin bago ako umalis sa opisina.

“Oh? Mukang pagod na pagod ka ah.” Iminulat ko ang mga mata ko nang marinig ko ang boses ni Lawrence. Nakatayo siya sa harap ko habang nakapasok ang dalawang kamay niya sa loob ng bulsa ng suot niyang cargo shorts.

“Kumusta nakahanap ka na ba ng trabaho?” tanong ko at muling naghithit ng sigarilyo.

“Hulaan mo,” panunuya niya.

Inirapan ko siya at tinapon ang upos na sigarilyo sa simento at inapakan ‘yon.

“Bahala ka sa buhay mo,” sabi ko at umirap.

“Ikaw naman hindi mabiro. Opo nakahanap na po ako ng trabaho, madame.”

“Talaga? Ano’ng tr