Chapter 8

Nagising si Taliyah dahil sa masuyong haplos sa kanyang buhok. Kasunod ay ang pagkintal ng halik sa kanyang noo.

Unti-unti siyang nagmulat ng kanyang mga mata, bumungad sa kanya si Rothus Villaron na nakaupo sa kanyang tabi.

"Good morning." Matamis ang ngiti ng lalaki habang mataman itong nakatitig sa kanya. Titig na tila ba puno ng pag-ibig.

Napakurap naman si Taliyah. Hindi siya makapaniwala sa nakikita. Aniya, si Rothus Villaron ba talaga ang nasa harapan niya ngayon o nananaginip lamang siya? Ngunit nakakasiguro siyang hindi iyon panaginip dahil isang linggo na siyang gumigising na kasama niya ang lalaki.

Isang linggo na ang nakakalipas ngunit hanggang ngayon ay hindi pa rin siya makapaniwala sa mga nangyayari.

"Breakfast is ready." Muli nitong hinaplos ang kanyang buhok, hindi pa rin nito inaalis ang titig sa kanya. "Ready na rin ang panligo mo."

Sa nakalipas na isang linggo ay naging routine nito ang magluto, malinis ng bahay, maglaba, mag-igib ng tubig at maghugas ng