Chapter 13

"Hindi kita iiwan!" Umiling-iling si Taliyah.

"Pakiusap, iwan mo na ako. Pareho tayong mapapahamak kung---" hindi na natapos ni Maximillano ang kanyang sasabihin nang ipalo ng lalaki ang baril sa kanyang ulo. Napadukdok ito sa sahig at napadaing.

"Peste kang matanda ka! Nabali yata kamay ko dahil sa ginawa mo!" Hinilot ng lalaki ang kanyang kamay.

"Max!" Hindi na napigil ni Taliyah ang mapaluha dahil sa awang nadarama para kay Maximillano.

"Takte naman 'to!" Nagkamot ng ulo ang lalaking kalalabas lamang ng sasakyan.

"Umalis ka na, Liyah! Tumakbo ka na!"

"Tumahimik kang matanda ka!" Sinipa nito si Maximillano dahilan upang lalo itong dumaing.

"Please, tama na po. Huwag niyo na pong saktan ang kasama ko. Hindi po ako tatakbo."

"Aba! Dapat lang! Dahil sa oras na ginawa mo 'yan, wasak ang ulo nitong kasama mo." Nangggalaiti nitong itinutok sa sentido ni Maximillano ang baril .

"Hindi po ako tatakbo" Sumpa ni kasabay nang paglapit niya kay Maximillano.

"Dapat umalis ka na lang. Dapat i