Chapter 6: Between Duty and Desire

Kakatapos lang ni William na suriin ang isang posibleng negosyo nang may kumatok sa kanyang pintuan.

“Bukas ‘yan,” tawag niya.

Pumasok ang matalik niyang kaibigan, si Ryan.

“Busy ka?” bati nito.

“Hindi na. Kakatapos ko lang suriin ang mga ito.” Itinuro niya ang tumpok ng papel sa kanyang mesa. “What’s up?”

Umupo si Ryan sa tapat niya.

Nag-usap muna sila tungkol sa ilang bagay na may kinalaman sa kumpanya. Si Ryan ang namumuno sa kanilang Research and Development Department, kaya hindi magiging kahina-hinala ang pagbisita niya sa opisina ni William.

Kailangan din nilang tiyaking walang ibang makakarinig sa tunay nilang pag-uusapan.

“Hindi natuloy ang kasunduan sa Rivera Solutions,” sabi ni Ryan.

Nagulat si William. “Akala ko, sigurado na iyon. Ano'ng nagbago?” 

Umiling si Ryan. “Sabi ng impormante natin, nagpulong sila noong nakaraang araw. Pagkatapos, lumabas si Salvatore nang galit na galit. Kinumpirma rin ng impormante na opisyal nang kinansela ang kasunduan.”

“Ano kaya ang dahilan kung bakit nagbago ang isip ni Mr. Rivera?” tanong ni William.

Sa pagkakaalam niya, desidido na ang ama ni Ella na makipagkasundo sa kumpanya ni Roman Salvatore dahil mas malaki at mas maimpluwensya ito kaysa sa kanilang maliit na trucking company.  Ano kaya ang nagbago?

Sumandal si William sa upuan, iniisip ang kahulugan nito.

“Magandang balita iyan kung ganoon. Hindi na mahahatak si Ella at ang pamilya niya sa mundo ni Salvatore.”

“Oo, pero kailangan na nating alamin kung anong kumpanya ang lalapitan niya sa susunod. Kailangan niya ng ibang lehitimong negosyo upang itago ang kanyang mga gawain,” sabi ni Ryan.

Bumuntong-hininga si William.

“Are you going to report to HQ later?” tanong niya.

“Oo. Pupunta agad ako roon pagkalabas ko dito sa opisina natin.”

“Okay. May iba pa akong dokumentong ipapasa sa mga nakakataas.” Binuksan niya ang isang drawer at kinuha ang isang selyadong sobre.

“Nariyan ang pinakabagong ulat tungkol sa mga kasama ni Salvatore at iba pang taong maaaring kasangkot sa operasyon niya.”

Inabot niya ang sobre kay Ryan.

Tumango si Ryan at tumayo.

“Ihahatid ko ito agad, boss.”

***

Nang makaalis na si Ryan, sumandal muli si William at tumitig sa saradong pintuan. 

The cancellation of the Rivera deal was certainly unexpected, but he couldn't say he was disappointed.

Alam niya kung sino si Roman Salvatore — alam niyang anumang kumpanyang makikipagsosyo sa kanya ay mapapahamak lamang sa huli. 

Roman Salvatore had built an impressive business empire, but beneath its polished exterior was something far more sinister.

Ilang buwan na silang nangongolekta ng impormasyon: mga kahina-hinalang transaksyon, kakaibang kasosyo, at mga kargamentong hindi tugma sa mga opisyal na tala. Nakakita na sila ng mga palatandaan, ngunit kulang pa ang mga ito upang pabagsakin siya.

Iyon ang problema.

Sobrang maingat si Roman. Bihira siyang makialam nang direkta sa anumang maaaring maglantad sa kanya. Sa halip, inuutusan niya ang iba na gawin ang maruming gawain habang pinananatili ang imahe niya bilang isang iginagalang na negosyante. Maaaring naging isa na sana sa mga iyon ang Rivera Solutions.

Huminga nang malalim si William at kinuha ang kanyang cellphone. May mensahe mula sa kanilang operations team.

Subject: Salvatore Enterprises – Recent Activity

Kasama sa mensahe ang ilang ulat tungkol sa mga negosyo ni Roman, pati na rin ang listahan  ng mga kumpanyang nilapitan ng kanyang mga kinatawan. Nagkunot ang noo ni William nang makita ang mga pangalan. May isang kumpanyang pumukaw sa kanyang pansin.

Tumawag siya agad kay Ryan.

“May nakalimutan ka ba?” sagot ni Ryan.

“May kailangan akong ipahanap sa iyo.”

“Ano iyon?”

“May isang kumpanya sa listahang ito. Alamin mo kung nakipag-ugnayan mismo si Salvatore sa kanila at kung sino ang direkta niyang nakausap doon.”

“Sige. May iba pa ba?”

Nag-atubili siyang sumagot.

“Alamin mo rin ang lahat ng detalye ng pagpupulong nila sa Rivera Solutions. Hindi lang kung bakit kinansela — lahat ng nangyari.”

“You're worried about something?” 

“Just being thorough.”  

Tumawa nang bahagya si Ryan. “Of course you are.”

Bukod sa trabaho, napapaisip pa rin siya kay Ella. Hindi niya inaasahang madadamay ang pamilya nito sa imbestigasyon, at masaya siyang hindi natuloy ang kasunduan.

Ngunit nakababahala ang timing. Maraming kumpanya ang nilapitan ni Roman nitong mga nakaraang buwan, ngunit ang alok sa Rivera Solutions ay di tulad ng sa iba. Tiyak na may dahilan kung bakit gustong-gusto ni Roman na makipagsosyo sa kanila. 

Kilala niya ang mga tulad ni Roman — hindi sila tumatanggap ng pagtanggi, lalo na kung sa tingin nila ay nararapat sa kanila ang gusto nila.

If they want something, they'll do whatever it takes to get it. 

Tumingin si William sa litrato sa mesa. Isang lumang larawan nila ni Ella ang tanging dekorasyon sa mesa niya. Ngumiti siya nang bahagya.

Unti-unti silang nawalan ng ugnayan dahil naging abala sila sa kani-kanilang buhay. Abala siya noon sa pagpapatakbo ng kanyang kumpanyang nagsisimula pa lamang, habang nakatuon naman si Ella sa kanyang pag-aaral. Lumipas ang maraming taon bago sila muling nagkita. 

Minsan ay iniisip niya — sana hindi sila naghiwalay ng landas. Sana naging mas malapit sila sa isa’t isa. Sana hindi siya naghintay nang ganito katagal para muling makasama siya.

Ayaw niyang mapahamak si Ella dahil kay Roman Salvatore. Nais sana niyang balaan ito — lumayo sa kanya hangga’t maaari. Ngunit paano niya ito sasabihin nang hindi inilalantad ang imbestigasyon?

Still, he knew he couldn't let his personal feelings interfere with his assignment. 

He had a job to do.

They were getting closer to uncovering the truth about Roman Salvatore. 

***

Nanatili si William sa opisina hanggang gabi. May kailangan pa siyang tapusin bago umuwi. Inunat niya ang kanyang katawan at bahagyang nakaramdam ng pananakit sa likod. Ilang oras na pala siyang nakaupo. Lumipas na rin ang oras ng hapunan.

Biglang tumunog ang kanyang cellphone.

Si Ella.

Nasa opisina ka pa ba?

Sa halip na mag-type ng sagot, tinawagan niya ito. Mas gusto niyang marinig ang tinig nito.

“Are you keeping tabs on me?” biro niya.

“No, I'm not. It just so happens that I'm still at the office too. I realized I had missed dinner, and since no one was here, I thought, who could I pester for a free meal?” balik-biro nito. 

Napatawa na rin si William.

“I’m hurt. Ibig sabihin, tatanungin mo ako kung ililibre kita?”

“Oo.”

“You’re lucky I too am feeling hungry. I’ll be there in a few minutes.”

Pinutol nila ang tawag. Pinatay ni William ang ilaw, kinuha ang susi ng kanyang sasakyan, at handa nang umalis nang muling tumunog ang telepono. 

Akala niya ay si Ella muli ito — ngunit nawala ang kanyang ngiti nang makita kung sino ang nagpadala.

Mula kay Ryan:

May problema tayo.

Tinitigan ito ni William bago sumagot.

Anong nangyari?

Sumagot agad si Ryan.

Tungkol kay Salvatore. Kailangan mong pumunta rito. Ngayon na.

Tumingin si William sa p***o. Nangako siya kay Ella na sabay silang kakain, ngunit kailangan niyang ipagpaliban iyon. May mas mahalagang bagay siyang kailangang asikasuhin ngayon.