Chapter 73

Gusto nang suntukin ni Benjamin ang manibela niya nang paulit-ulit. Kanina pa siya napipikon sa nakahambalang na malaking dam truck sa express road. May mga tauhan ng MMDA na ang naroon at pinatitigil nang ilang sandali ang mga sasakyan. Masyadong malaki ang kinain na espasyo ng natumbang dam truck karga ang tone-toneladang dressed chicken. Nagkalat ang amoy nito sa buong paligid ngunit hindi iyon ang nagpapainis sa kanya sa mga oras na iyon.

Gusto na niyang puntahan ngayon sina Lyv at ang kapatid niya. Subalit na-stuck siya. Wala siyang magawa. Takbuhin man niya ang kalsada'y malayo pa rin ang kanyang lalakbayin.

Pasado alas kwatro na ng hapon ngunit hindi pa siya nakakarating sa kanyang destinasyon. Masyado nang maraming oras ang nasayang. Kung hihintayin naman niyang matapos ang komosyon ay tiyak na tuloy-tuloy ang kanyang biyahe. Mabuti na lamang at nasa harapan siya ng pinangyarihan ng aksidente at mas madali na lamang na umusad oras na sumenyas ang mga taga-MMDA na pwede nang d