CHAPTER 42—Slight SPG

Dianne's -

Na alimpungatan ako at napabalikwas ng bangon dahil sa narinig na sunod-sunod na pag tunog ng doorbell. Walang sabi na dinampot ko ang aking cellphone upang tingnan kung anong oras na. Halos dalawang minuto nalang at mag a-alas dose na! At sinong nilalang ang pipindot doon kung ni isang kahanggan o kapitbahay ko dito ay hindi ko man lang kilala. Napapahikab akong bumalik sa pag higa upang ipagpatuloy ang naudlot na tulog, ngunit sa pag pikit ng aking mga mata ay siya namang pag tunog ulit ng doorbell. Hindi ko na sana yun pag aaksayahan ng oras na silipin, pero nag kusa nang umangat ang aking likod at basta na tumayo at naglakad patungo sa pinto ng aking kwarto. Pero bago ko paman pihitin ang doorknob ay kinuha ko muna ang insecticide spray na nasa likod ng pinto at yung isang hindi kahabaan na tubo na stainless.

Safety first, dapat!

Habang kipit ko sa aking kili-kili ang tubo at tangan naman ng isa kong kamay ang spray ay, maingat at walang ingay kong binuksan ang pinto