Chapter 36: Murder or Suicide?

Alvin’s POV

Masaya akong bumangon at nag-asikaso para pumasok. Paulit-ulit kong tinatanong si Autumn kung totoo ba ang sinabi niya kahapon dahil hindi pa rin nagsi-sink in sa utak ko ang mga pangyayari.

Grabe, hindi pa rin talaga ako makapaniwala sa nangyari kahapon. Nangangalay na nga ang pisngi ko kasi magdamag na lang ako nakangiti sa sobrang saya. Mula pag-uwi namin kahapon, sa pagtulog, kanina paggising ko, at kahit pag-alis ko ng bahay ay nakangiti ako.

“Tumigil ka na nga, Vin. Ang creepy na ng ngiti mo,” nawi-weirduhan na sabi ni Wade.

Kakababa lang namin ng motor ni Wade dahil sabay kaming papasok ngayon sa headquarters. Hindi na kasi nagpahatid si Autumn kaya nagsabay na kami ngayon.

Pagpasok namin ng headquarters ay masaya kaming bumati ni Wade sa kanila, “Good morning!”

Gulat silang napalingon sa’min sa lakas ng bati namin.

“Good mood na good mood ata kayong dalawa? Laki ng mga ngiti niyo, ah,” natatawang sabi ni Inspector Lee.

Talaga namang masayang masaya kami ni Wade n