Chapter 39: Fate

“Si Aero, tahimik lang 'yon. Behave na behave. As you can see, nagwawala na si Ruin pero nakaupo lang siya,” natatawang saad ko kay Ruan habang pinapanood ang mga anak namin mula sa live CCTV footage.

Rinig na rinig namin ang lakas ng pag-iyak ni Ruin habang tila nalilito naman si Aero kung bakit umiiyak ang kakambal nito. Kasalukuyang kumakain ang dalawa sa kusina kasama si Nanay na inaayos ang kalat sa lamesa ni Aero at ang babaeng kasama nito mag-alaga sa dalawa na todo patahan kay Ruin.

Ganito pala ang ginagawa ng lalaki dati upang makita kami! Napangiwi na lamang ako nang maalala kung gaano kagulo ang hitsura ko noon. Bawat sulok pa naman ng bahay ay nakikita! Kuwarto lang yata ng Nanay ko ang walang CCTV.

Ang alam ko, ako lang at si Sever ang may access sa footages. Pero mukhang ang kay Sever ay napunta kay Ruan.

“Kung ganito naman pala ang ginagawa mo dati, edi pinapanood mo ako magbihis?!”

Natawa ang lalaki. “Sometimes.”

Napaawang ang bibig ko. “Sometimes?!”

“Hmm. When the