Chapter 2.2

MATAPOS AYUSIN ANG kanyang sarili ay nagpalit na ng damit si Gail at nahiga na upang matulog. Kung hindi pa tumunog ang alarm ng kanyang cellphone tanghali kinabukasan ay hindi pa magigising si Gail. Ilang sandaling tinitigan niya ang oras na alarm ng kanyang cellphone. Iyon ang oras ng pagtawag niya kay Jax. Dahil half day lang ang school ng anak, minabuti niya na tawagan ito after ng klase. Iyon lang ang pagkakataon na nakakapag-usap sila nito.

“Hindi ko na rin ngayon kailangang tumawag.”

Pinatay ni Gail ang alarm kahit na may bigat sa kanyang puso. Ilang beses niyang sinulyapan ang cellphone. Kagat na ang labing sinupil ang sarili na tawagan at kausapin ang kanyang anak. Matapos niyang marinig ang sinabi nito sa kanyang Yaya ay sumama na ang loob niya.

“Tutal ayaw naman na niya akong maging ina, pagbibigyan ko ang hiling niya.”

Sa mga sandaling iyon ay panay ang sulyap ni Jax sa cellphone na nakapatong sa gilid ng lamesa. Kakarating lang nila ng bahay. Sinundo siya ng ama upang sabayan na kumain lang. Hapon ang usapan nilang pupunta ng camp site kasama ang Tita Nica niya sa araw na iyon.

“Dad, nakalimutan ba ni Mommy na tawagan ako?”

Binanggit ng ama ang pag-alis ng ina sa kanya nang umagang iyon. Syempre natuwa ang bata dahil wala ng hadlang sa pagpunta nila ng camp site, ngunit dahil nakasanayan niya na tumatawag ang ina kapag ganitong oras. Nakaramdam na siya ng pagtataka na wala na iyon.

“Baka busy lang ang Mommy mo dahil alam mo na, bumalik siya agad kahapon hindi ba?”

“Kahit na, kahit busy siya tatawag pa rin siya kahit saglit.” dabog pa ng kanyang mga paa.

“Anak, noong narito siya hindi mo siya kinausap tapos ngayon nagagalit kang—”

“It was her promise, Dad. Mabuti pa talagang si Tita Nica na lang ang Mommy ko eh!”

Hindi pinansin ni Leon ang napipintong pag-aalboroto ng anak kahit pa maging siya ay curious na rin sa hindi pagtawag ni Gailyn. Ganunpaman, hindi niya ito binigyan ng halaga.

“Tatawag din iyon sa’yo, malay mo bukas dahil nakalimutan niya lang ngayon.”

Pinagsalubong pa ni Jax ang kanyang mga kilay na manang-mana sa kanyang ama na makapal. Pinapakita lang noon na hindi siya masaya sa ginawang iyon ng sarili niyang ina.

“Kapag tumawag siya bukas, hindi ko siya kausapin. She needs a silent treatment from me.”

Matapos ng kasal ni Gailyn kay Leon na ginanap sa ibang bansa, nagsimula siyang magtrabaho sa kanilang kumpanya na Lombardi Enterprises. Ginawa lang niya iyon nang dahil kay Leon. Ngayong maghihiwalay na sila, walang dahilan upang magtagal pa siya dito. Kung kaya naman kinabukasan pagpunta niya ng kumpanya, una niyang ini-abot ang resignation letter niya kay Zion. Kulang ang salitang halos mahulog ang panga nito sa nakita.

“Mag-re-resign ka?”

Isa lamang si Zion sa mga nakakaalam kung ano ang tunay na relasyon niya kay Leon. Tutal sa ibang bansa sila ikinasal, karamihan sa mga employee doon ay walang alam na asawa siya ng kanilang CEO. Wala rin namang plano si Gail na ipangalandakan iyon sa mga employee eh. Alam ni Zion na ginawa iyon ni Gail upang mas mapalapit sa kanyang asawa kahit pa napakalayo nito sa kanyang tinapos sa kolehiyo. Pinili niyang maging secretary lang na katulong ni Zion gawin ang trabaho habang nasa malayong probinsya ng Mindoro si Leon.

“Bakit?”

Hindi lubos ma-imagine ni Zion na darating ang araw na mag-re-resign si Gail dahil nakita niya kung gaano nito ginalingan sa kanyang trabaho kahit habang nagdadalang-tao na ito.

“Tanggapin mo na lang, nasa policy ng company na kapag ayaw na ng trabahante may karapatan silang mag-resign. Pwede mo rin basahin ang reason ko diyan ng maintindihan.”

Tinanggap iyon ni Zion.

“Oo na, tinatanggap ko na ang resignation letter mo. I will arrange for someone to take over your work position as soon as possible.”

“Thank you, Zion!”

Bumalik na si Gail sa kanyang table. Kailangan niya pa ‘ring hintayin iyon na ma-approved. Bagay na alam niyang hindi matatapos ang araw na iyon at magkakaroon ito agad ng result. Sa umagang iyon bago ang coffee break ay may ipinasang report si Zion kay Leon through online. As the conversation was winding down, naalala niya ang resignation ni Gail. Kailangan niya pa ‘ring sabihin iyon dito bilang respeto. Bagamat tinanggap na niya ang resignation nito, kailangan pa rin iyong malaman ng kanilang CEO. Baka kasi magalit ito kung hindi niya papaabutin dito.

“Siya nga pala Sir, about sa—”

Hindi magawang ituloy iyon ni Zion nang maalala na wala nga palang pakialam dito si Leon. Kumbaga, kung ano ang mangyari kay Gail sa company ay hindi siya nakikialam kahit na malala pa. hinahayaan niyang company ang mag-ayos.

“What is it, Zion?”

Iniiling ni Zion ang kanyang ulo. Hindi niya na kailangang iparating pa iyon sa kanya.

“Wala po, Sir.”

Naniniwala si Zion na alam na ni Leon ang ginawang pagbibitaw sa trabaho ni Gail. Malamang asawa ito kung kaya ito ang unang makakaalam. Ayaw niyang sumama ang mood ng amo matapos niyang banggitin iyon. He can simply handle it according to company regulations, just like before ng mag-file si Gail ng maternity leave sa kanilang anak ng CEO.

“Alright…”

Panay ang sulyap ni Gail sa table ni Zion, hinihintay siyang lapitan nito at sabihin na approved na ang resignation. Napalingon siya sa kasamahan ng tapikin ang balikat niya.

“Huy, akala ko ba naka-leave ka ng two weeks? Bakit narito ka na agad?”

“Hmm, oo nga eh.”

“Hindi ka natuloy na umuwi sa anak mo? Akala ko ba sobrang miss mo na?”

“Hindi na ako tumuloy. Sayang din ang sweldo.”

“Hindi ka tatawag sa anak mo?”

Dalawang beses kung tumawag si Gail kay Jax, isang after lunch at isang hapon bago uwian. Halos ng mga ka-trabaho niya ay alam ang routine niyang iyon.

“Hindi, mamayang gabi na lang.”

Ang hindi nila alam ay ang big boss ng kanilang company ang lihim na ama ng kanyang anak.

Matapos ng trabaho sa araw na iyon ay nagtungo si Gailyn sa wet market upang bumili ng ilang mga gulay na kailangan niya at potted plants nang magkaroon naman ng buhay ang kanyang bahay. Matapos na kumain ay nag-check si Gail ng balita tungkol sa partnerships announcements na may kasamang medical conferences kung saan ay may mga hospitals or research institutions na involved, sponsorship iyon o exhibit naman ang para sa medical conferences.