EXOTIC GIRL 22

Kilala ko ba siya?

Kilalang kilala.

"S-senyor Roberto!?" nagitla ako nang makita si Senyor Roberto. Ibig sabihin siya ang nakasagasa sa Nanay Lucia at kay Manang Inday.

Nawala lahat sa isip ko ang sinabi ng Hepe. Sa isang iglap lang nasa harap na ako ni Senyor Roberto at pinagsusuntok ko siya sa dibdib. Hindi ko na rin mapigilan ang aking emosyon at bigla ay bumuhos na naman ang aking luha.

Mabilis din akong hinaklit ni Hepe palayo kay Senyor Roberto.

"W-walanghiya kayo Senyor Roberto bakit ninyo sinagasaan ang Nanay Lucia at si Manang Inday ha.." nagsisigaw na ako sa loob.

"P-patawarin mo ako. Hindi ko 'yon sinasadya. Madilim at bigla na la-"

"Kahit kailan ay hindi pa tumawid si Manang Inday para lamang pumara ng sasakyan. Sa ilang taon naming pagsasama alam na alam ko ang ugali niya lalo pa at may polio siya," gigil na sigaw ko.

Napansin kong parehong nagulat si Hepe at Senyor Roberto sa sinabi ko na hindi tumatawid si Manang Inday. Si Senyor Roberto ay parang biglang lumikot