Chapter 13 - Status: In a Relationship

"Happy Weeksary, Bebe Ko!" Parehas na natigilan sina Zane at Jed sa kanilang pag-uusap at sabay na napatingin sa pinanggalingan na iyon ng boses ni Serenity Enriquez. Pareho rin na namilog ang mga mata nila habang naestatwa sa kinatatayuan nila at nakatitig lamang sa papalapit na babae. And just seeing her with that look, Zane knows that he definitely won’t like this scene that is about to transpire.

Si Serenity naman ay ngiting-ngiti na papalapit sa dalawang magkaibigan na nag-uusap sa may lobby ng building. Bitbit niya ang isang mini cake habang hindi matigil-tigil sa pagpasada sa kabuuan ng kan’yang nobyo. Wala siyang pakialam kahit na marinig siya ng mga empleyado roon at makita siya na halos pagnasahan ang lalaki dahil iyon talaga ang nais niya.

Gusto niya na ipangalandakan sa buong EMG na boyfriend niya si Axel Salvacion kahit pa sabihin na kabit lamang niya ang lalaki. Nais niya na ipamukha sa lahat ng kababaihan sa kumpanya nila na ang macho at guwapito ng marketing ay Mr. Ri