Chapter 42 (Pregnancy of Athena)

Natulala at biglang dumaloy ang luha sa mga mata ni Kiara ng salubungin sila ng isang taong buong buhay niyang kaagapay.

Nakabuka ang mga bisig at maluwang ang pagkakangiti ni Yaya Celly ng makita ang alagang halos tatlong linggo niyang hindi nakita. Agad nagyakap ang dalawa at nag iyakan habang nagkukumustahan.

"Yaya, paanong nangyari na narito ka?" tanong ni Kiara habang pinapahiran ni Yaya Celly ang luha niya.

"Iniligtas ako ni Sir Max, itinakas niya ako dahil binihag ako ni Marco. Takot na takot ako hija, akala ko ay mamamatay ako ng hindi ka nakikita." at muling nalaglag ang mga luha nito. "Kaya lubos na nagpapasalamat ako sa iyo Sir Aidan dahil kung hindi sa inyo hindi ko alam kung anong nangyari na sa akin." baling ni yaya kay Aidan.

Agad naman nilingon ni Kiara si Aidan at saka malalaki ang hakbang na tinawid ang dalawang dipang layo nila sa isa't isa.

Wala sa loob na niyakap niya ito ng mahigpit. "Salamat Aidan, salamat." lumuluhang bulong niya rito.

Marahang iniangat ni Ai