🔥Chapter 5.

Sa lobby, naroon pa rin si Mrs. Elina Torrez, ang Mama ni Elicia. Nanginginig ang kamay niya habang hawak ang isang bag na may baong pagkain ng anak. Sa bawat sandali, ramdam niya ang bigat sa dibdib—ang takot na makita siya ni Demon, ang lalaking dati niyang minahal at ngayo’y CEO sa kompanyang pinagtratrabahuhan ng anak niya.

Kailangan ko nang umalis. Hindi ako pwedeng makita ni Demon. Hindi niya ako pwedeng makilala… lalo na’t dito nagtratrabaho ang anak ko. Baka isipin niyang…

“Ma…” tumawag si Elicia, tumatakbo papunta sa kanya.

“Bakit nanjan pa rin kayo? Sana pumasok na kayo sa lobby para doon niyo na ako hinintay, Mama,” nakangiting sabi ni Elicia, na halatang excited sa pagpasok ng ina.

Hindi na makapagsalita si Mrs. Elina. “Hindi na ako magtatagal, anak. Aalis na ako… baka biglang umuwi ang ama mo at hanapin niya ako,” sagot niya, halatang nagmamadali at may kaba.

“Ah… nga pala, Mama, parang kilala kayo ni Mr. Villamor…” sambit ni Elicia, hindi maitago ang pagkamangha.

“Huh?!” napatingin ang ina, sabay bitaw sa hawak niyang bag. Parang nahulog ang laman nito sa sahig.

“Okay lang ba kayo, Ma?!” tanong ni Elicia, halos tumakbo para tulungan siyang pulutin ang mga nahulog.

“Aa… oo, ayos lang ako,” sagot ng ina, pilit na pinapanatili ang matatag na boses. “Sige na, anak, kunin mo na yang baon mo at a-alis na ako.”

“Sige po. Ingat po kayo, Ma! Uhmmm… bakit? Anong nangyari kay Mama?!” tanong ni Elicia, halatang nag-aalala habang pinagmamasdan ang ina.

“Wala, anak. Ayos lang. Alam mo na, minsan lang may ganitong sitwasyon. Basta huwag kang mag-alala,” sagot ng ina habang nagmamadali papalayo, ngunit hindi maiwasang tumingin sa loob.

Pagpasok ni Elicia sa opisina, agad siyang sinalubong ni Fiona.

“Hoy! Bhe… halika, may shismis ako!” masigla at halos sumisigaw si Fiona habang humahabol sa kanya.

“Haha, narito tayo sa trabaho,” sagot ni Elicia, pilit tinatago ang ngiti sa mukha niya, sabay sabay silang naglakad papunta sa mesa nila.

“Curious lang ako noh! Dinig ko kasi na yung Mr. CEO natin, mahilig sa bebot! Hahaha, at tignan mo, ikaw pa ang natipuhan niya agad. Aba, bhes, pagkakataon mo na yan para umangat sa Fashion Industry! Go, go, go!” saad ni Fiona, sabik at halatang nais gumawa ng kaunting intriga sa eksena.

“Ha? Ako? Hahaha, Fiona, ang lakas ng imahinasyon mo ha! Hindi mo alam ang nangyayari, e. Wag mo akong i-shock sa umpisa pa lang ng araw ko,” sabi ni Elicia, pilit na nagkukubli ng kilig sa kanyang tono.

“Uy, eh di sabi ko lang. Nakita mo na ba yung titig niya sa’yo kanina? Parang may halong… alam mo na… iba,” dagdag ni Fiona, nagkikibit-balikat habang nagkakaroon ng mischievous na ngiti.

“Fiona! Ano ka ba, nakaka-hypothesize ka pa? Hay, grabe ka,” natawa si Elicia, pinipilit pigilan ang pamumula ng pisngi. “Sige, sabihin mo na, anong nangyari sa office niya?

Walang nangyari, promise.”

“Waley? Haha, oo na, oo na! Pero seryoso, kahit ako na nagbabantay, alam kong may chemistry kayong dalawa. Alam mo na ‘yun, di ba?” wika ni Fiona habang pumasok sa isang upuan, halatang enjoy sa sariling tsismis.

“Fiona, wag ka nang manghusga! Kinakabahan tuloy akong bumalik sa office ni Mr.CEO, move on na tayo… at wag mong ikalat ‘yan sa iba!” sabay tawa ni Elicia, pero may kaunting excitement sa boses na hindi maipaliwanag.

“Ahh… okay, okay, promise. Pero seryoso, Bhe… ang CEO natin, parang selective ha. Kung talagang nagustuhan ka niya agad, aba, malaki ang chance mo sa promotions sa Fashion Industry. Huwag mong sayangin ‘yan!” dagdag ni Fiona, halatang pinupush ang confidence ng kaibigan.

“Fiona… nakakakaba ka minsan. Hindi lahat ng bagay tungkol sa career ay base sa haka-haka mo, e,” sagot ni Elicia, habang naglalakad papunta sa kanyang desk, pilit kontrolado ang ngiti at ang kilig na nararamdaman.

Ngunit kahit sinasabi niya iyon, hindi niya maiwasang mapatingin sa direksyon ng opisina kung saan naroon si Demon, tahimik at malamig, at nag-iiwan ng kakaibang epekto sa puso ni Elicia—isang halo ng kaba at paghanga na mahirap talikuran.

“Fiona… yun lang ba ang nalaman mo sa CEO natin?” tanong ni Elicia, bahagyang napapalingon.

“Hahaha! Sabi ko na nga ba eh! Gusto mo rin malaman ang totoo sa pagkatao ni Mr. Demon,” sagot ni Fiona, sabik at may halong excitement sa mukha.

“Ganito… may nalaman pa akong iba, pero wag kang maaapektuhan. Kung talagang gusto mo ang CEO natin, go lang!” dagdag ni Fiona, halatang nagbabantay sa reaksyon ng kaibigan.

“Ha? Ano pa yun?” tanong ni Elicia, halatang interesado ngunit medyo nag-aalangan.

“BALITA KO… iba-ibang babae raw ang hawak niya at may mga anak sa iba-ibang babae. At ang malala pa… divorced siya sa unang asawa niya. Pero hindi ko alam kung sino ang ex-wife niya at bakit sila naghiwalay,” wika ni Fiona, halos bulong ngunit sabik ibahagi ang chismis.

Elicia napatingin sa kaibigan, napanganga sa narinig. “Talaga yun? Fiona… hindi ko alam kung dapat ba akong ma-excite o matakot,” sabi niya, sabay tawa at sabay halatang nag-aalala.

“Hahaha, ayoko namang takutin ka, Bhes! Pero seryoso, un ang chismis. Lahat ng babae sa opisina, nag-uusap tungkol kay Mr. CEO. May humahanga, may natatakot, may nagtatanong… syempre, kami, di tayo pwedeng palampasin ang detalye,” paliwanag ni Fiona, sabay sulyap sa paligid.

“Alam mo, kahit nalaman ko ito, iba pa rin yung dating niya sa personal. Parang may aura siya… intense,” wika ni Elicia, halatang nahihirapan kontrolin ang damdamin habang pinagmamasdan ang direksyon ng opisina.

“Oo nga, Bhes! Kaya nga sinasabi ko, hindi ka basta basta mahuhulog sa kanya kung hindi ka ready. May power, may misteryo… at kahit may mga kwento, hindi mo maiwasang humanga,” dagdag ni Fiona, nakangisi sa excitement at curiosity.

Elicia napahawak sa mukha niya ng konti, sabay buntong-hininga. “Hay, Fiona… sobrang dami ko nang iniisip. Hindi ko alam kung dapat ba akong ma-excite o matakot. Isang araw pa lang, feeling ko… nakaka-pressure na,” wika niya, pilit kinokontrol ang tibok ng puso.

“Pressure? Hahaha, iyon ang thrill! First day pa lang ni Mr.Demon l, halos lahat ng mata sa opisina nakatutok sa kanya. At syempre, ikaw… parang may special attention. Kaya enjoyin mo na lang! Chismisan muna tayo bago ka tuluyang ma-absorb sa trabaho,” sabi ni Fiona, halatang nasisiyahan sa drama at bagong dynamics sa opisina.

“Okay, sige… kwento pa!” sagot ni Elicia, sabay sulyap sa opisina ng kanilang CEO. Hindi maiwasang ma-distract ang presensya niya habang nag-uusap sila ni Fiona.

Minuto ang lumipas:

“ELICIA TORREZ! Bumalik ka kaagad sa office ko!” sigaw ni Mr. CEO Demon. Natigilan si Elicia, nanginginig sa takot, habang si Fiona’y nakatingin na may halong kaba. Ang simpleng kwentuhan ay biglang naputol, at ramdam niya ang malamig at matalim na titig ng lalaki—walang lugar ang takot sa kanyang presensya.