Chapter 11

GUSTO kong isipin na paranoid lang si Bea at masyado lang siyang nadadala sa kanyang pananaw. Pero naiisip ko rin na bakit ko iisipin na paranoid si Bea kung ako mismo ay ganon rin ang pananaw. Gusto kong maniwala na mali ang iniisip ni Bea tungkol kay Lance pero naiirita lang ako sa sarili ko dahil umaasa ako kahit alam kong dapat ay hindi.

Mabuti na lang at sa sumunod na araw ay naging busy si Lance sa mga board meeting at kung anu-ano pa. Kung hindi siya pagod ay marami siyang kausap kaya naging mabilis ang mga araw sa akin.

"670 Pesos ang Semester." Sagot ng Cashier sa isang eskwelahang binisita ko nang nag Biyernes.

Pumuslit pa ako para lang makapunta dito at mabilis naman akong bumalik para hindi mag reklamo si Mrs. Chiu sa kawalan ko. Mabuti na lang at nandun si Bea, pinagtatakpan ako nang sa ganon ay hindi mapagalitan.

"Naku, ganon po ba?"

Papauwi ako nang nag isip kung paano ko pagkakasyahin ang perang makukuha sa pagtitinda Biyernes at Sabado. Maghahanap ako ng bedspace sa h