Chapter 20

"THAT is ridiculous, Nicole! Ano na lang ang sasabihin ng Ina ni David?" si Mr. Bartolome na hinubad ang salamin sa mata.

Nagkibit ng mga balikat ang dalaga. Brushed his father's suit for an imaginary dust.

"I'll handle him," puno ng kumpiyansa ang tinig ng boses niya. "Hindi ba gusto ninyong mapangasawa ko si David, Daddy?"

"Totoo iyon. And you almost did but you blew it away." Galit at panghihinayang ang nasa tinig ng matandang lalaki. "Dahil hindi ko maintindihan kung bakit noong magkasintahan na kayo ay pumapatol ka pa sa ibang lalaki!"

"At pinagsisisihan ko na iyon, Daddy. Ipinangangako ko sa iyong makakasal na kaming tuluyan sa sandaling magkabalikan kami ni David. Kaya nga sinasabi ko sa inyo ang balak ko para kung saka-sakaling tawagan ka ng Ama niya ay hindi ka mabigla. At ako ang bahala doon."

"Ano ang kinalaman ng bagong empleyado sa pagnanais mong mabalik uli ang pagtingin ni David sa iyo?"

Nagkibit siya ngmga balikat. ''Nag-aalala akong baka mahulog ang loob ni David sa