Chapter 21

NAGSALUBONG ang mga kilay ng personnel manager matapos sabihin ni Nicole ang sadya rito.

"I couldn't do that, Nicole. Maayos ang performance ni Miss Helaena. Besides, magli-leave na si Yvonne in less than two weeks from now."

Humugot muna ng sigarilyo ang dalaga at nagsindi bago nagsalita. "Ang Daddy ang may gustong iparating ko sa iyo iyan, Sebastian. At isa pa ay nariyan naman si Fauna. Mas matagal na rito iyan kaysa kay Helaena. At may mga iba pang clerk na matagal na sa kompanya, habang nagpapa-advertise kang muli ng reliever." She blew her smoke, uncaring kung gustong maubo ng matandang lalaki.

"I do not understand this, Nicole. Ano ba ang naging problema ni Helaena? Puro papuri ang naririnig kong sinasabi ni Yvonne sa kanya." Magkadikit na ang mga kilay ni Sebastian sa pagkakatitig kay Nicole.

Hindi iyon ang unang pagkakataong lumapit ang dalaga sa kanya at sabihing i-terminate si ganito at si ganoon. At wala naman siyang magagawa, bise-presidente ng finance ang ama nito. At tuw