Kabanata 1.3

Napapasabunot na lang si Ayesha sa buhok niya habang inaalala niya ang nangyari kagabi. Mariin niyang ipinikit ang mga mata niya. Hindi niya naman magawang sisihin ang lalaking nakasama niya kagabi dahil maraming beses siya nitong sinabihan na baka pagsisihan niya ang mangyayari sa kanila pero siya pa ang nagpumilit na may mangyari sa kanila.

“Damn it!” inis na sambit ni Ayesha.

“Girl, hanap kami nang hanap sayo kagabi. Ang sabi mo iihi ka lang pero hindi ka na bumalik. Akala namin nauna ka nang bumalik ng hotel pero wala ka. Gusto ka naming hanapin kahit saan pero lasing na rin kami. Tawag kami nang tawag sayo pero hindi ka sumasagot.” Wika ni Lalaine nang magising na sila.

Isang malalim na buntong hininga ang pinakawalan ni Ayesha. Hanggang ngayon hindi pa rin siya makapaniwalang nawala na ang virginity niya ng dahil lang sa isang gabi.

“Sabihin mo nga, saan ka ba talaga nagpunta? Saan ka natulog at sino ang kasama mo?” sunod-sunod na tanong ni Kaye. Tiningnan na ni Ayesha ang mga kaibigan niya. Wala siyang masisisi sa kanila dahil kasalanan niya ang lahat. Kung hindi siya sumama sa lalaking hindi niya naman kilala, hindi mangyayari ang lahat ng ‘to.

“Disgrasya.” Sagot niya. Mabilis na umupo si Kaye sa harap ni Ayesha. Nakangiti na ito kaya tinaasan ni Ayesha ito ng kilay.

“Ano ba talagang nangyari? May guy kang kasama kagabi? Magkasama kayong natulog? Sabihin mo nga, isinuko mo na ba ang perlas ng silanganan?!” malakas na saad ni Kaya kaya napapairap na lang si Ayesha. Curiuos na rin si Lalaine kaya lumapit na rin siya kay Ayesha.

“Kilala mo ba yung nakasama mo? Foreigner din ba?” tanong na rin ni Lalaine.

“Hindi, Pilipino rin.” Diretso niyang sagot dahil wala naman siyang maitatago sa mga kaibigan niya. Gulat na nagkatinginan si Lalaine at Kaye.

“Girl! Ano ka ba naman! Isinuko mo nga?” tila hindi pa makapaniwalang tanong ni Kaye. Inis na tumayo si Ayesha saka siya tumalikod sa mga kaibigan niya.

“Anong magagawa ko?! Lasing na lasing ako. Ang nakakahiya pa, ako pa yung nag-insist na may mangyari sa amin. Bwisit talaga oh.”

“Ang sinasabi namin sayo, magboyfriend ka naman pero hindi namin sinabi sayo na isuko mo ang bataan mo ng hindi ka pa kasal! Bastos lang ang bunganga namin ni Lalaine pero hindi ka namin itinutulak to have sex with someone you didn’t know. Ang tanga mo, Ayesha.” Seryosong saad ni Kaye. Napapabuntong hininga na lang si Ayesha dahil wala na siyang magagawa para ibalik ang virginity niya.

Nangyari na ang hindi dapat mangyari.

“Nakuha mo man lang ba ang pangalan ng lalaking yun?” tanong ni Lalaine. Umiling naman si Ayesha.

“Para saan pa? Una at huli na naming pagkikita yun. Isang gabing pagkakamali lang yung nangyari sa amin. Hindi na dapat pang sundan saka hindi ako interesado sa kaniya.” Sagot ni Ayesha. Napapailing na lang si Lalaine at Kaye sa kaniya. Tila nakokonsensya dahil sa pagtutulak nila sa kaibigan nila na magboyfriend naman ito.

Samantala naman, nagising si Kian nang tumunog ang cellphone niya. Inaantok pa niyang kinuha ito sa side table.

“What?” masungit niyang sagot sa kabilang linya.

“Where are you? Pauwi na ng Pilipinas ang stepsister mo, gusto ko sanang makilala ka niya bago siya maunang umuwi ng Pilipinas. Hindi ka ba talaga magbibigay galang man lang sa stepmother mo?” boses iyun ng kaniyang ama. Inis na tiningnan ni Kian ang screen ng cellphone niya at ang kaniyang ama nga ang tumawag.

“Tumupad na ako sa usapan natin dad, nagpunta ako sa araw ng kasal mo pero hindi ko sinabing magtatagal ako dun. Marami rin akong ginagawa kaya huwag mo akong aabalahin. Hindi sila importanteng tao para unahin ko.” Masungit niyang sagot saka niya pabagsak na ibinaba ang cellphone niya sa side table.

Dahil sa inis niya ay hindi na ulit siya inantok. Bumangon na siya at sumandal sa head rest. Ramdam pa rin niya ang kirot ng ulo niya dahil sa alak. Nang maalala niyang may nakasama siyang babae kagabi ay nilingon niya ang gilid niya pero wala na ito.

“Saan nagpunta yun?” tanong niya pero naipilig niya na lang ang ulo niya. Bakit pa ba siya interesado sa babaeng mabilis makuha?

Nagtungo na siya ng bathroom para makaligo at maalis na rin ang amoy ng babaeng nakasama niya. Nang matapos siya ay kinuha niya ang cellphone niya pero napansin niya ang pera. Hindi niya yun napansin kanina.

“Saan ‘to galing?” usal niya sa sarili niya. Natawa na lang siya ng maisip na posibleng nag-iwan ng pera ang babae sa kaniya para sa isang gabi.

“Fuck! Anong tingin niya sa akin? Bayaring lalaki?!” may diin niyang sambit. Kinuha na ni Kian ang mga gamit niya at bago siya umalis ay tiniklop niya ang kumot nila. Napahinto siya sa ginagawa ng makita niya ang blood stain sa bedsheet.

Dun niya lang naalala na virgin pa ang babaeng nakasama niya kagabi. Hindi siya katulad ng ibang babaeng mabilis ibigay ang sarili sa kung sino-sinong mga lalaki.

Ang perang iniwan ni Ayesha ay iniwan ulit ni Kian sa side table at nag-iwan ng note. Bayad na dahil nadumihan ang bedsheet.

Umalis na rin si Kian at nang makasakay siya ng sasakyan niya ay dun pa lang niya inopen ang cellphone niya. Kita niya ang sunod-sunod na tawag ng mga kaibigan niya sa kaniya. Nagmessage na lang siya sa mga ito na buhay pa siya.

Habang nagdadrive siya pauwi ng bahay niya ay hindi niya maalis sa isip niya ang babaeng nakasama niya kagabi. Kahit papaano ay nawala ang iniisip niya kagabi at napasaya rin siya ng babaeng ito.

“She’s a filipina too,” anas niya sa sarili niya dahil pareho silang nagtatagalog. Ipinilig na lang ni Kian ang ulo niya. Bakit pa ba siya interesado sa babaeng isang gabi niya lang naman nakasama?

----

Paalis na ng Las Vegas si Ayesha kasama ang mga kaibigan niya. Inihatid sila sa airport ng kaniyang ina at ang bagong asawa nito.

“Ayesha, iha, pasensya ka na kung hindi nagpunta ang anak ko para makilala niyo ang isa’t isa. Hayaan mo, sa susunod baka sakaling bumisita sa atin.” Wika ni Dexter kay Ayesha. Tipid lang namang ngumiti si Ayesha sa stepfather niya.

“Okay lang po Tito pero sana nga sa susunod magpakita naman siya sa amin. Hindi ko naman siya pipilitin na tanggapin niya kami bilang pamilya niya. Ayaw ko lang po sanang babastusin niya ang mommy ko.” Tumango naman si Dexter. Hinawakan ni Emma ang kamay ng kaniyang anak saka siya tipid na ngumiti.

“Mag-iingat kayo. Magmessage ka kaagad sa akin kapag nakarating ka na ng Pilipinas okay?”

“Yes mom, don’t worry about us. Kaya na namin ang mga sarili namin. Enjoy kayo sa honeymoon niyo dito.” Humalik na si Ayesha sa pisngi ng kaniyang ina saka niya hinila ang maleta niya.

“Ikaw na ang bahala sa mommy ko, Tito.” Baling ni Ayesha kay Dexter.

“Don’t worry iha, kasal na rin kami ng mommy mo kaya you should call me daddy from now on.” Tumango at ngumiti naman si Ayesha. “Siya nga pala, nasabi ko na sa secretary ko ang pagpasok mo sa kompanya. Siya na lang ang kontakin mo habang nandito pa kami ng mommy mo.” Dagdag pa ni Dexter.

“Sure po,” sagot ni Ayesha saka sila umalis na.