Forbidden Heat Between US

Nakangiting nilapitan ni Ayesha ang kaniyang ina. Hinalikan niya ito sa pisngi at niyakap ito.

“Congrats mom, you deserve this happiness.” Masayang saad ni Ayesha sa kaniyang ina na bagong kasal. Sa Las vegas ginanap ang kasal ng kaniyang ina kaya nagtungo silang magkakaibigan ng Las Vegas para makadalo.

“Thank you anak. Thank you dahil sinuportahan mo ako sa lahat ng bagay na gusto ko. Thank you dahil nakarating kayo ng mga kaibigan mo.” Kinuha ni Ayesha ang wineglass niya saka niya ito itinaas sa harap ng kaniyang ina. Bahagya namang natawa si Emma. Pinagsalubong nila ang mga wineglass nila at sabay iyun na ininom.

“Deserve mo naman ‘to mom. Nasa middle age ka pa lang at kailangan mo talaga ng makakasama habang tumatanda. Siya nga pala, hindi ba pumunta ang anak ni Tito Dexter?” kunot noo niyang tanong. Inaasahan ni Ayesha na makikita at makikilala niya ngayon ang binatang anak ng stepfather niya pero matatapos na ang kasal, hindi pa rin niya ito nakikilala.

Napabuntong hininga naman si Emma.

“Nandito na siya kanina pero ewan ko ba, bigla rin siyang umalis. Siguro hindi pa niya tanggap na ikakasal na ulit ang daddy niya. Hayaan na lang natin. Balang araw, makikilala mo rin siya.” Napapailing na lang si Ayesha. Ang alam niya ay tatlong taon ang tanda nito sa kaniya.

“Ang tanda niya na para hindi intindihin ang daddy niya. Anyway, ayaw kong sirain ang special day mo mom ng dahil lang sa lalaking yun. Kung hindi ka niya matanggap as his new mom, hindi ko rin siya gustong makilala at makita pa.” pagtataray ni Ayesha.

“Anak, lower your voice. Hindi pa rin maganda ang relasyon ng Tito Dexter mo at ng anak niya. Hayaan na lang muna natin siya. Balang araw, lalambot din ang puso nun.” Napapaikibit balikat na lang si Ayesha.

“Ano pa nga bang magagawa ko? Aalis na rin kami ng mga kaibigan ko mamaya mom kapag wala na kayong mga bisita. Gusto naming magcelebrate dahil kagagraduate namin ng college.” Napangiti naman si Emma at tumango sa kaniyang anak.

Nang matapos ang kasal ay masayang masaya silang tatlo na magkakaibigan na nagtungo ng bar para magcelebrate.

“Let’s enjoy the alcohol now! Wala ng makakapigil sa atin dahil tapos na tayo sa acads!” sigaw ni Lalaine, ang isa sa mga kaibigan ni Ayesha. Masayang masaya nilang ininom ang alak na ginawa ng bartender sa kanila.

Napapasigaw na lang sila dahil sa tapang ng alak na ininom nila. Mainit itong humagod sa lalamunan nila at ramdam pa rin nila ito hanggang sa tiyan nila.

“Grabe, ang init nun!” sigaw naman ni Kaye na napapapikit na lang sa pait ng alak.

“Mga Pilipino rin pala kayo. Want more?” tanong ng bartender na kapwa nila Pilipino. Nagkakatinginan na lang silang magkakaibigan at nginitian ang lalaking bartender.

“Kuya, yung ladies drink lang. Huwag naman yung hard alcohol dahil baka hindi pa lang kami nag-eenjoy may tumatawag na sa amin ng uwak!” angil ni Kaye na ikinatawa nilang magkakaibigan.

“Sige ma’am, ipapatikim ko sa inyo ang pinakamasarap kong mix drink.” Anas naman ng bartender na ikinatuwa nila.

Samantala naman, nasa second floor si Kian Reeve, ang stepbrother ni Ayesha na hindi niya nakita sa kasal. Kasama rin nito ang mga kaibigan niya. Napapailing na lang si Nigel habang pinapanuod niya si Kian na dire-diretsong nilagok ang alak.

“Ano ba kasing problema mo? Hindi ka masaya na ikinasal ulit ang daddy mo?” tanong ni Nigel. Hindi sumagot si Kian, diretso lang itong umiinom ng alak.

“Ang balita ko may stepsister ka na mas bata sayo. Hindi ka ba masaya na may kapatid ka na?” pang-aasar ni Marco pero sinamaan siya ng tingin ni Kian.

“You know what bro, hindi naman masamang magmove on ka na sa nakaraan. Bakit hindi mo na lang yakapin kung anong buhay mo ngayon at ng daddy mo?” seryosong wika ni Nigel.

“Hey, easy bro. Para kang mauubusan ng alak eh.” Pangpipigil ni Marco nang lagukin ni Kian ang isang bote ng alak. Pabagsak na ibinaba ni Kian ang bote saka siya bumuga ng hangin.

“Pumunta naman ako sa kasal niya. Yun ang usapan namin pero hindi ko sinabi na magtatagal ako.” Sagot niya. Bakas na ang kalasingan dahil namumungay na ang mga mata nito. Napapailing na lang si Nigel at Marco sa kaniya.

Samantala naman, tuwang-tuwa ang tatlong magkakaibigan na nagsasayaw sa dance floor. Malakas na rin ang epekto ng alak sa mga katawan nila. Pare-pareho na silang lasing pero ayaw pa rin nilang bumalik sa mga hotel room nila.

“Woooaahhh! Congrats to us! Grabe, after four years sa college nakapag-inom din tayo ng ganito!” sigaw ni Lalaine habang sumasayaw sila.

“Hoy, Ayesha, baka gusto mo namang lumandi ngayong gabi.” Nagtatawang sambit ni Lalaine na sinang-ayunan naman ni Kaye. Sila lang ang nakakaalam na no boyfriend since birth ang kaibigan nila.

“Malay niyo, lumandi rin ako mamaya.” Pagbibirong sagot ni Ayesha na ikinatawa nilang tatlo. Nagpatuloy ang kasiyahan nila hanggang sa makaramdam ng pagduduwal si Ayesha.

Gegewang gewang siyang naglakad papuntang comfort room para sumuka at umihi. Gusto niyang isubsob ang mukha niya sa bowl pero nasa public comfort room siya. Sari-sari ang mga umiihi at gumagamit ng bowl kaya pinilit niyang tumayo ng maayos habang nakasandal ang mga kamay niya sa pader.

Halos maubusan siya ng lakas sa kakasuka niya.

“Damn it! Sino ba kasing nagsabi na sobrahan mo ang pag-inom ng alak?!” naiinis niyang usal sa sarili niya. Itinali niya na ang mga buhok niya dahil ayaw niyang masukaan ang mga ito. Nang matapos siya ay lumabas na siya ng cubicle saka siya naghilamos at tiningnan ang sarili sa salamin.

Pulang pula na ang mga pisngi niya at tila antok na antok na ang mga mata niya dahil sa kalasingan.

“You should enjoy this night, Ayesha. Ngayon ka lang naman uminom ng ganito.” Anas niya sa sarili niya. "Walang uuwi ng hindi gumagapang!" wika pa niya.

 Napabuntong hininga na lang siya kapag naaalala niyang hanggang ngayon single pa rin siya. Maganda naman siya at maputi pero lahat ng nanliligaw sa kaniya binabasted niya dahil gusto niyang magfocus sa pag-aaral. Ngayon namang nakagraduate na siya, wala na ulit naglakas loob na ligawan siya.

Lumabas na siya ng cr at gegewang gewang pa rin siya.

Nang mabangga siya ng isang babae ay muntik pa siyang sumobsob sa sahig, mabuti na lamang at may nakasalo sa kaniya. Napayakap siya sa lalaking sumalo sa kaniya para suportahan ang sarili niya.

“Fuck!” mahina niyang usal dahil tila umiikot na naman ang mundo niya.

"Miss, if you don’t intend to let go, just say it. I’m not a stand you can cling to the whole night." Masungit na wika ni Kian. Namumungay naman na ang mga mata ni Ayesha nang tingnan niya si Kian. Nginitian niya ito.

"Would you like to dance with me?" pag-aaya ni Ayesha. Kunot noo naman ng nakatingin si Kian sa kaniya. Pareho na silang lasing at tila ba parehong may gustong kalimutan pansamantala.

Nakipagsayaw si Ayesha kahit na lasing na lasing na siya. Pareho na nilang hindi alam ang ginagawa pero masaya silang kasama ang isa’t isa.