Kabanata 18

Nagsipagpaalam na ang ilan sa mga natitira dito sa pizza parlor. Pagkatapos ng naging usapan naming tatlo kanina ay halatang balisa at wala sa sarili si Amay. Binilisan ko ang pagma-mop ng sahig habang tinutulungan naman ako ni Yohann Min sa pag-aayos ng mga upuan dito. 

“Una na’ko mga bakla!”

Mabilis kong pinigilan ang paglabas ni Greggy sa pinto. Pinilit kong ngumiti matapos niya akong pagkunutan ng mukha. 

“Papunta ka kay Mother Lilie ‘di ba?” pabulong na tanong ko sa kanya. Tumango siya kaya nagsalita ulit ako. “S-Sama ako”

“Sure ka?”

“Hmm” peke ulit akong ngumiti at tumango. Hinawakan ko ang isa niyang braso para hindi makawala at mas lumapit pa. Ayoko kasing may ibang makarinig sa sasabihin ko. “Kailangan kong makaipon ulit ng pera”

“Hanggang gabi ako ro’n” aniya. Tumango-tango ako. Hindi ko pa rin binibit