CHAPTER 41

Ginising si Olivia ng tawag ng kanyang Nanay Becca sa telepono, “’Nak, andito ako kina Tonet. Puntahan mo kami dito, ‘tong kapatid mo, gusto na raw mamatay.”

            “Ho? Bakit po, ‘nong nangyari?”

            “Tangnang Roco, ayun me iba na raw dyowa, kasamahan din sa barko!” nangangatal ang boses na kwento nito sa kanya, “Kuu, ‘wag magpapakita sakin ang lalaking yun at puputulan ko ng ari ang gagong ‘yon!”

            “Papunta na po ako dyan,” aniya. Hindi na siya naligo. Nagpalit lang s’ya ng t-shirts at shorts saka lumarga na.  Kilala niya si Tonet kapag may problema, kung anu-anong kalokohan ang naiisip.

            Nag-iinuman ang