CHAPTER 76

REGINALD DAEWOON...

Matapos makapag paalam sa kan'yang mga magulang ay agad s'yang nagpahatid sa airport para umuwi ng Pilipinas. Bago s'ya umalis ay sinigurado

muna ng mga ito na maayos na talaga ang kan'yang pakiramdam at kaya n'ya na ang magbyahe.

Sa totoo lang ay nakaramdam pa rin s'ya ng panghihina ng katawan ngunit hindi n'ya na iniinda iyon dahil ang mahalaga sa kan'ya ay ang makita at makasama ang kan'yang mag-ina.

Ilang araw pa lang s'yang nawalay sa mga ito ngunit pakiramdam n'ya ay sobrang tagal n'ya ng hindi nakikita ang dalawa. Iba pala talaga ang pakiramdam kung alam mo na may naghihintay sa pag-uwi mo.

Ngunit sa kan'yang pag-uwi ay dala n'ya ang maraming iniisip tungkol sa totoong pagkatao ng kan'yang ina. Hindi sinabi ng kan'yang daddy ang gusto n'yang malaman kanina dahil hindi pa daw ito ang tamang oras para sa lahat.

Hindi na din s'ya nagpumilit pa dahil nakikita n'ya sa ama na seryoso ito na hindi sasabihin sa kan'ya ang lahat. Hihintayin n'ya na lang ang taman