CHAPTER 95

REGINALD DAEWOON...

Kinabukasan ay maaga s'yang naghanda para mag report sa kampo. Ngayong araw nila sisimulan ang kanilang misyon.

Ang bantayan ang grupo ng mga terorista na nakapasok sa Pilipinas. At gusto n'ya din na ngayong araw na agad magsisimula para makontak n'ya si Goldy at makausap ito.

Kaya maaga pa lang ay nakagayak na s'ya at handa ng umalis. May mga damit sila sa safe house at kasama na ang kan'yang uniform kaya kahit hindi s'ya umuwi sa kan'yang bahay ay walang problema sa kan'ya.

Umakyat s'ya sa rooftop at tinungo ang kan'yang helicopter. Nasa rooftop pa ang dalawang helicopter ng mga kaibigan kaya sigurado s'ya na natutulog pa ang mga ito. Medyo madilim pa sa paligid ngunit gusto n'ya ng makarating ng maaga sa kampo.

Sumampa s'ya sa kan'yang helicopter at agad na minaniubra ito paalis. Maya-maya pa ay nasa himpapawid na s'ya at binabaybay ang kalawakan patungo sa kampo.

Ay dahil wala namang traffic sa kalawakan ay mabilis lang s'ya na nakarating sa kan'yang patutungo