KABANATA 17

Nagkukumahog na lumabas siya ng kwarto nang mabanggit ng katiwala na nasa ibaba si Sky.

Nakauwi na sila ng Tarlac kasama ni Audrey. Mabuti na lang talaga at wala na silang pasok. Kailangang-kailangan ni Audrey ng makakausap lagi at makakasama sabi ng doktor.

Si Sky naman ay mas napapadalas na rin ang punta sa kanila dahil bakasyon na nga. Sa Tarlac din ito naglalagi habang bakasyon pa.

Naabutan niya si Sky na naghihintay sa sala at nakaupo sa sofa. Lumaki ang ngiti niya nang makita ang malaking teddy bear sa tabi nito. Ngayon lang uli nagdala ng stuffed toy ang lalaki para sa kanya.

Hindi siya agad napansin ng lalaki kaya't nagulat ito nang tumakbo siya papalapit dito. Agad na umupo siya sa bakanteng espasyo sa tabi ng malaking teddy bear. Niyakap niya iyon.

"Thank you, Sky!" Masayang-masayang sabi niya na hindi na binitiwan ang malambot na stuffed toy.

Nagulat man sa biglang pagsulpot niya ay ngumiti na lang din ito.

"You're always welcome." Kinikilig talaga siya kapag naririnig ang