KABANATA 19

Ilang linggo nang hindi nagagawi sa kanila si Sky mula no'ng araw na may hindi pagkakaunawaan ito at si Audrey.

Ni hindi ito tumawag o nagtext man lang sa kanya. Si Tita Janese niya naman ay nasa Singapore kasama ng lolo't lola nina Sky at Ara kaya wala siyang matatanong.

Nang hindi na siya makatiis ay siya na ang tumawag sa lalaki. Nasa malaking sofa siya at nakahiga habang nakataas ang isang paa sa sandalan no'n. Naka- long pants naman siya kaya't hindi niya alintana ang posisyon niya.

Nakabitin pa sa gilid ng sofa ang ulo niya, ang medyo mahaba na niyang buhok ay nasa sahig na.

Hinihintay niyang sagutin ni Sky ang tawag. Nang sa wakas ay sagutin nito iyon ay agad na siyang nagtanong bago pa umurong ang dila niya.

"Sky! Nasaan ka na ba? Bakit hindi ka na pumupunta rito?" Pinipigilan niyang mahalata nito ang pananabik sa boses niya.

"Bakit may nakaka-miss na ba sa akin diyan?" Seryosong tanong nito na feeling niya ay gusto nga nitong sagutin niya.

Napaghahalata na naman 'ata siya ng l