Fire

Kabanata 1

Fire

Kalat na ang dilim ng magpasyang itigil ang pangangalakal sa gabundok na b****a. I wiped the sweat on my forehead. Tagaktak na ito at nangangamoy pawis na. Inilibot ko ang paningin, kasama ko ang kapatid sa pangangalakal. At dahil gabundok ang b****a, sumusuko na ang ilan sa pagkalkal ng makakalakal, ngunit mas lamang ang pursigidong makarami para maibenta. Nasa dulong bahagi ang bunsong kapatid, sumigaw man ako'y hindi ako madidinig. Nagkibit ako ng balikat. Sa bahay na lang kami magkikita, kapag ganitong abala ay isinasantabi muna ang pakikipag-usap dahil uunahin muna ang kikitain sa pangangalakal.

Sinulyapan ko ang dalawang sako nang b****a sa aking tabi. Maya't-maya ang dapo ng langaw dito, at dahil sanay na, hinahayaan ko na lamang ang pagdapo nito sa bibitbiting sako. Marami-rami na rin ang nakuha ko at medyo may kabigatan na rin ito.

"Tiba-tiba na yan a, puwede nang ibenta kay Mang Gustin, huwag kang magpapauto sa matandang yun a.. napakagahaman pa naman nung matandang hukluban na 'yun." Umismid si Gabby. 

She's one of my closest in our group. Kung umasta'y lalaking-lalaki but we're both the same gender, pusong lalaki lang.

Umiling ako. Alam ko naman iyon, pero kasi kung minsan, dala ng matinding pangangailangan nagpapakumbaba na lang kahit hayagan ang pang-uuto ng matanda.. 

"Siguraduhin mo yan ha?" Siniko niya ako. Sa lakas ng pagkakasiko napa-angat ako ng tingin. Nginitian ko siya. 

"Pasabay na lang kay Caloy.. " 

Sabay sulyap sa bunsong kapatid. Abala pa rin ito sa paghahanap ng matinong ibebenta na b****a. Lumingon naman ito sa kinaroroonan ko kaya mabilis kong kinawayan ito. He's my youngest brother, minsan nangangarap akong pag-aralin siya.. iyong matinong eskwelahan ang pagdadalhan sa kanya, iyong naaayon sa gusto niya.

Kumaway siya pabalik. Malaki ang pangarap ko para sa kapatid ko.. tsaka na muna ang para sa akin.. ia-ahon ko ang pamilya ko sa lugar na ito at maghahanap ng panibagong lugar na pagdadalhan sa kanila.. lugar na babago sa buhay naming mag-anak.. lugar kung saan ipagpapatuloy ang mga naudlot na pangarap para sa amin ni Tatang... 

"Sige ako na ang bahala kay Caloy. Isasabay ko na at baka mapagtripan pa sa daan.." Ngumisi siya. 

Sisiga-siga din minsan itong si Gab kaya naman malaki ang pasasalamat ko at naging kaibigan ko siya. Maaasahan din kasi ito at marami pang kakilala. Iyong iba tunay na lalaki pa.. may ilan namang katulad niyang kilos lalaki.. 

"Ingat ka sa matandang yun a, mamaya manyakin ka pa.."

"Gab.." Palatak ko. 

"Manyakis din iyon Cia, kaya mag-iingat ka. Kapag kinanti ka naku.." Iniangat niya sa ere ang kuyom na kamao, at dahil namumulot ng b****a marungis din ang kamao nito.

"Papatulan ko talaga ang matandang iyon. Subukan lang niyang hawakan isa sa mga daliri mo.." 

Pinalo ko ang kanyang kamao, sa lakas naibaba niya ito.

"Maghahanap ako ng kasabay at hindi pupuntang mag-isa doon." Angil ko.

"Mas mabuti kung ganoon ang plano mo, ikaw pa naman ang diwata sa grupo.. mahihirapan na kaming maghanap ng kasing ganda mo.." Umirap ako ngumisi naman ito. 

"Sa amo ng mukha mo, bihisan lang ng maganda magmumukha ng reyna. Para kang anghel na naligaw sa lugar na 'to. Kung hindi lang talaga kita lubusang kilala iisipin kong isa kang sikat na artista. Maganda na, makinis pa. Kahit balot ka ng makapal na alikabok ngayon nangingibabaw pa rin ang kagandahan mo Cia.." 

Nahampas ko na siya.. Parati na lang dumidiga e, alam naman niyang hinding-hindi ako magpapauto sa kanya. Maraming beses ko na siyang binasted kasama na ang ilan sa mga ka-grupo niya. Walang epekto sa akin ang lahat ng pagtulong at sakripisyo nila.

"Kung sinasagot mo na sana ako-" 

Wala akong planong bigyan ng pansin sinuman sa kanila.. Ang plano ko aalis ako sa lugar na ito. Isasama ko si Inay at si Caloy. Ipagpapatuloy ko ang pangarap ni Tatang. Ako ang tutupad sa pangako niya kay Nanang. 

Bata pa lang, namulat na sa kahirapan. Si Tatang ang naging gabay noong nabubuhay pa siya. Tinuruan niya ako ng pangangalakal ng b****a. Minsan, kasama namin si Nanang sa pamumulot ng b****a. Noong maliit pa, nasisiyahan pa ako kasi buong akala ko isang laro lang ito.. ngunit ng magkaisip at namulat na ng husto, hindi na nagustuhan ang kinalakhan ko.

Lilisanin na dapat namin ang lugar na ito ang kaso may hindi inaasahang naganap. Isang araw umuwing nagagalak si Tatang yakap-yakap ang maliit na bag. Kulay itim iyon. Maumbok. Sa galak ni Tatang nahawa na kami ni Nanang.

"Aalis na tayo dito.." Si Tatang, pawisan, at tarantang isinarado ang kawayang pintuan. 

"Talaga po Tatang..?" Tanong ng batang ako. 

"Oo anak.." Hinaplos niya ang pisngi ko. Tumutulo ang pawis sa kanyang noo.

"Nenita.." Si Nanang naman ang kinakausap. Iniabot niya kay Nanang ang maliit na bag.

"Saan galing yan?" Nanginginig ang kanyang boses. Hindi ko pa maintindihan sa murang edad ang nagaganap. Palipat-lipat lamang ang tingin sa kanilang dalawa. 

"Isasauli mo ito!" Wala akong maintindihan. Umiling si Tatang. 

"Kailangan natin ng pera para sa panganganak mo Nenita." Umiling at naluluha na si Nanang. Malaki na rin ang kanyang tiyan. Nagtalo pa sila. Matindi ang pagtutol ni Tatang na isauli ang bag.. ngunit dahil sa pakiusp ni Nanang.. napapayag na ring isauli ito..

Nanghinayang man si Tatang nasunod pa rin ang kagustuhan ni Nanang. Nagpatuloy ulit kami sa pangangalakal. Nagpatuloy ang buhay at siguro naawa na ang maykapal dininig ang batang dasal.. 

"Nenita.." Masayang wika ni Tatang.. Galing siya sa siyudad. 

"Kumusta ang lakad mo?" Napahaplos si Nanang sa umbok niyang tiyan.

"Binigyan ako ng pabuya.." Malawak ang ngiti ni Tatang.

"Talaga?" Abot-tenga din ang ngiti ni Nanang.. Sa galak niya nayakap niya ako. 

Maraming nabuong plano sina Tatang kalakip na ang pag-aaral ko. Naging masaya ang buong linggo pero hindi ang sumunod na araw. Umalis si Tatang upang maghanap ng malilipatan. Dala niya ang ang perang pabuya. Hanggang ang isang oras na paghihintay ay umabot sa tatlo, lumipas pa ang isang araw, sumuko na ako kahihintay ng umabot na ng linggo.. 

Pinatay si Tatang! Iyon ang ibinalita ng isang kasamahan sa pangangalakal. Ang perang bitbit ay inagaw.. maraming saksak ang tinamo sa katawan.. Hanggang sa nagkaisip hindi pa rin nakakamit ang hustisya. Nakipaglaban si Tatang para ma-i-ahon sana kami, ngunit hindi siya pinalad para sa kanyang munting pangarap.

Mabigat ang loob ng muling sumulyap sa kinaroroonan ng batang kapatid. Bago nagpaalam kay Gab, muli pang ibinilin ang nakababatang kapatid.

Madilim na, marami na ngayon ang nakapila sa bahay ni Mang Gustin. Matatagalan bago ma-i-abot kay Nanang ang pambili ng hapunan. 

Tumahol ang aso may kairingan itong pusa. Napapailing.. Hinabol ko pa ng tingin kung magpapambuno ba ang dalawa. 

Saktong paliko na sana ng may maulingang nagtatalo. Kaagad ang pagtatago sa likod ng isang malagong puno. Bukod sa madilim na, masanga rin ang punong pinagkukublihan. 

"I told you maingat akong pumunta dito. Walang nakasunod sa akin." Pumeywang iyong estrangherong lalaki. Magara ang kanyang kasuotan, he's wearing a black suit. Sumandal sa kanyang sasakyan. After a while, sinipat ang suot na relos. Ang maliwanag na buwan ang siyang nagbibigay ng liwanag sa kanila bukod pa sa nakabukas na ilaw ng magarang sasakyan.

"Siguraduhin mo lang George," Umibis sa sasakyan iyong maganda, matangkad at seksing babae.. sobrang puti niya. Ang mahabang buhok ay nakalugay tuwid na tuwid ito at tila pa isang diyosang naligaw sa imbakan ng b****a.

"Thomas will kill me, kapag nasundan ako ng kanyang mga tauhan. Malaki na ang galit ng asawa ko sa akin. He even threatened me na hindi makukuha ang mga anak ko. E, sa kanya na.. total at wala naman akong ka-amor amor sa mga batang yun!" Nagmartsa ito. Huminto sa harap ng lalaki.

"Mas mahal kita George.." Nakita ko noong halikan niya ang lalaki. The man snaked his arms to the woman's waist. Nagtagal ang halikan hanggang sa... Napaigtad ako sa lakas ng kahol ng aso para ba gang sinasaway ako sa paninilip ko dito.. Napalunok ako at muli pang sumulyap sa dalawang taong naglalampungan sa harapan. Malinaw sa aking pandinig ang pinag-uusapan.. Ang kataksilang ito ay hindi na bago. Papaano niya nasasabing, higit ang pagmamahal niya sa lalaking kahalikan kaysa sa mga anak? At papaano niya nasisikmurang makipaghalikan sa iba, gayung may asawa naman na pala siya?

"You know what, dahil ta-tanga-tanga si Thomas.. hindi niya napansin ang pagnanakaw ko sa pera niya.." Humalakhak ang mala-diyosang babae.. hindi ako makapaniwalang pinagnanakawan pa niya ang kanyang asawa.. She maybe looks like a goddess.. pero isa siyang diyosang kapanalig ng isang demonyo!

Kawawa naman iyong mga bata.. higit na lalo ang kanyang asawa. Pero teka... magtatagal pa ba sila diyan? 

"We can now travel the world.." Ngumisi siya, ipinulupot pa ang mga braso sa leeg ng lalaki. The man stared at her with blazing lust on his eyes sabay ng paghagod ng tingin sa katawan ng babae. Nakakaramdam ako ng ngitngit para sa dalawa.. at nakikisimpatya naman para sa pamilyang niloloko nila..

Habang nangungunyapit siya sa lalaki.. hindi ko naman mapigilang pasadahan ng tingin ang kabuoan ng mukha niya.. Kahit malayo ako, sapat ng matitigan ng husto ang kanyang napakagandang mukha. Her almond eyes were seductive, ang matangos na ilong ay nakakapang-akit, her red lips are too attractive.. ang makinis na balat, ay singputi ng papel. Makurba ang katawan, even her boob were big, round, and firm. Halos perpekto na, ang masama lang, pinagsisinungalingan niya ang mga taong minamahal siya! 

Humiwalay siya sa lalaki.. sumunod sa kanyang galaw ang mahabang buhok. Her black dress compliments her paper white skin, mas lalo lamang tumingkad ang kaputian sa dilim. May ngisi sa kanyang mapupulang labi ng tumalikod sa lalaki. Muli siyang bumalik sa loob ng sasakyan ng muling lumabas roon ay may bitbit ng itim na bagay.. hindi ako sigurado pero parang remote control ito..

"Ang tagal ng driver mo George, baka mamaya niyan may biglang sumulpot na tauhan ni Thomas.. alam mo naman malakas ang pang-amoy niyon. At saka.." Inilibot nito ang paningin sa lugar. Kaagad akong sumiksik sa punong pinagkukublihan..

"..Ang baho-baho naman dito.."

"Hindi iisipin ng asawa mo na dito tayo magtatago.. Thomas knew that place like this won't fit you.." Nagtawanan pa sila.. Kainis! Gusto ko ng umalis at magpapatimbang pa ng mga b****a! Paano na ang hapunan namin?! Malilintikan ako nito ni Nanang!

May nauulingan akong ugong.. napasilip dahil sa kuryusidad. Isang sasakyan ang humimpil sa dalawa. Dumadagundong ang puso kalakip ang pawis na tumutulo mula sa noo.. nagugutom na rin at ramdam na ang pangangalam ng sikmura. 

"Goodbye Thomas.." Ngumisi iyong lalaki. Makisig ito. Matangkad. Mestizo. May mapaglarong ngising ikinukubli sa kanyang gwapong mukha. 

"And goodbye Philippines!!" Humiyaw sa labis na galak iyong babae. Itinataas ang mga kamay sa ere.. nagdidiwang siya, e paano naman ang pamilyang iiwanan niya?

"Pindutin mo na yan.." Utos noong gwapong mama. 

"Wait.. mamaya na kapag malayo na, at nakaalis na tayo.." 

"Okay.." Tumango naman ang lalaki. Madilim ang mukha nito pero hindi maikukubli ang nagsusumiksik na kaangasan sa gwapong mukha. Pinakatitigan ko siyang mabuti.. aalalahanin kong mabuti ang kanyang hitsura.. hindi mawawaglit sa aking memorya ang tattoo na naka guhit sa kaliwang braso.

Lulan ng itim na van ang dalawa. Minuto na ang lumilipas pero hindi pa rin lumalabas sa pinagtataguan. Natuyuan na ng pawis. Natatakot na baka muli silang bumalik. Iniisip ko ito dahil iniwanan ang dalang mamahaling sasakyan. Gutom na gutom na ako.. at natitiyak kong hinahanap na ako ni Nanang.. hindi na naman siguro babalik ang mga iyon. 

Takot at palinga-linga sa paligid ng lumabas sa punong pinagtataguan. Napasinghap ng tuluyang masilayan ang naiwang sasakyan. Napahimas ako sa makintab na sasakyan. Napatingin sa sariling repliksiyon roon. I saw some dirts on my face pinahid ko ito gamit ang likod ng palad, napasimangot ng hindi ko matanggal dikit na dikit ito sa mukha ko! Di bale, maliligo naman ako pagkatapos kong maibenta ang nakalakal.

Tumitig ulit ako sa sariling repliksiyon. Madungis na talaga ako.. ang makinis na mukha ay nahahaluan na ng grasa at alikabok. Halos mapatalon ulit ako sa lakas ng kahol ng aso.. napahawak pa ng mahigpit sa dibdib dahil sa matinding gulat.

Hinarap ko ang aso medyo malayo sa nakaparadang sasakyan.. sesermunan ko na sana.. pero hindi na nagawa dahil tumilapon na ako sa lakas ng pagsabog! Rinig ko ang tahol ng aso, at nakita ko pa kung paano ito tumakbo papalayo habang tumatahol.. I saw the fire.. and the impact was too loud.. Is this how my life ends?

At papaano ko pa maisasakatuparan ang pangarap para sa pamilya kung ito na ang magiging katapusan ng aking buhay.?