CHAPTER 14

Ilang linggo na siyang nasa puder ni Kenzo pero hindi pa rin siya nakakaisip kong anong gagawin niya para makumbinsi itong hindi kunin ang anak niya at mabawi ang hacienda nila.

Kasalukuyan siyang kumakain ng mangga na hilaw at vanilla ice cream. Nasa sala siya at nanonood ng t.v, wala naman kasi lagi si Kenzo kaya malakas ang loob niyang lumabas ng kwarto. Lagi naman ito wala at tuwing gabi lang daw umuuwi sabi ng mga kasambahay.

"Madam, hindi ho ba sasakit ang tiyan niyo riyan? sinasawsaw niyo po kasi 'yong hilaw na mangga sa ice cream." Napakamot pa ito sa ulo at mukhang nag-aalala talaga sa kaniya.

"Hindi naman, ilang araw ko na 'to kinakain 'di ba? gusto mo ba tikman?" nilapit niya ang ice cream at hilaw na mangga rito pero inilingan lang siya nito.

"Huwag na po, sainyo na lang po 'yan— ay nandiyan na si sir!" mabilis siyang napalingon nang makarinig ng kotse na pumasok sa loob. Nakabukas ang kurtina kaya kita niya ang puting kotse ni Kenzo.

Nataranta siya bigla dahil ayaw niya