Chapter 24 Happy Birthday II

Mula sa pinagparaahan nila ng kotse ay dumadagundong na ang lakas ng musika mula sa mansyon nina Andrew. Napataas na lang ng kilay si Lucy nang mapansin ang dami ng tao nang makarating na roon, nagmukhang parang isang disco club ang naturang lugar. Mula sa tugtog, ilaw at musika ay kuhang-kuha ang halintulad sa ilang mga napagtrabahuhan niya.

"Grabe, party kung party dito ah!" Napangiwi na lang siya dahil sa gulo at pagkukumpulan ng mga naroon.

"Hindi na yata to bahay eh, disco bar na ito eh!" natatawang sabi na lang ni Celina.

Napapalatak naman ng tawa si Lucy. "Tama! Buti pinayagan siya ng magulang niya dito?"

Pakasabi noon ay pasimple siyang napabuntong hininga, batid niya na ngayon kung bakit tila ganoon ang pag-uugali ni Andrew, sigurado niya na ngayon na sunod sa luho ang binata sa mga magulang nito.

"Celina, tara. Doon tayo sa may garden" aya ni Luke sa kanila.

Tumango naman silang parehas sa naisip nito, kung kaya dali-dali na silang tumungo sa naturang lugar. Kahit papaano ay