Chapter 24

ANG PAGKADAWIT nilang mag-ina sa problema ni Mavi ay lalong nagpabigat sa sitwasyon ni Vesper. Hanggang sa mismong tinitirahan niyang apartment ay hindi siya tinitigilan ng fans at miyembro ng media to the point na nahihirapan na siyang lumabas ng unit.

Ultimo pag-aaral ni Myla ay apektado na rin. Ilang araw na itong hindi pumapasok sa eskwelahan at para silang mga dagang nagtatago sa kanilang lungga, umaasa na maglalaho rin ang mga taong gumugulo sa kanila.

Katatapos lang magluto ni Vesper ng tanghalian. Maingat niyang inilipat ang corned beef sa malinis na plato at inihain sa kanilang munting hapag-kainan.

Ito na ang huling canned goods na naitabi niya. Ibig man niyang magluto ng masarap na ulam na mae-enjoy nilang mag-ina subalit limitado na ang kanilang budget. Kailangan nilang magtipid.

"Kain na tayo," anunsyo ni Vesper at naupo na sa mesa katapat si Myla.

Agad namang umagaw ng atensyon ni Vesper ang pananamlay ng anak at malungkot na nakatitig sa pagkain na nasa harap. Tinanon