Maynila

"Akala ko ay napaano ka na. Mabuti at natuntun mo itong lugar na ito?" tanong ni Ate Del. Siya ang may ari ng apartment na uupahan ko habang nandito ako sa Maynila, kakilala siya ng amo nila Tatay sila Don Miguel. 

"May napagtanungan po babae tapos nagulat ako taxi driver po siya kaya siya po ang tumulong saaking mahanap tong apartment. Pwede na po palang maging driver ang babae dito Ate Del?" namamanghang tanong ko pa nang maalala ang babaeng driver. 

"Ipasok niyo na sa loob yung mga gamit, doon sa isang kwarto na may double deck," utos niya muna sa mga lalaking may karga sa gamit ko bago ako hinarap at pinaupo sa maliit na sala. 

"Ang mga babae dito sa Maynila kahit pagdedeliver at pagda-driver ay pinapatos na dahil sa hirap ng buhay. Wala ka ng karapatang maging choosy sa paghahanap ng trabaho ngayon." paliwanag nito, tumango naman ako at saka lamang binigyan ng pansin ang kabuuhan ng lugar. 

"Halika at ililibot kita," yagak ni Ate Del saakin kaya dali-dali akong tumayo at sumunod sakaniya.

"Dalawa ang kwarto dito ang isa ay may isang kama at itong isa kung saan ka matutulog ay may double deck na kama, ikaw ang matutulog sa baba dahil meron na sa itaas. Mamaya makikilala mo sila, pareho pang nasa trabaho." 

Napangiwi ako nang mapansin ang mga poster ng kung sino-sinong lalaki sa dingding sa itaas ng kama. Mahilig siguro sa lalaki yung magiging room mate ko. Sana makasundo ko siya. 

"Ayan namang kwarto na yan lalake ang gumagamit nyan," turo ni Ate Del sa isang kwartong nakasara. 

"Oh my gosh Ate Del! Anong lalake?" 

Sabay kaming napalingon ng may matinis pero malalim na boses ang sumigaw. Ano daw? matinis pero malalim? ewan ko na din basta ganon ang boses niya. Napangiti ako agad nang makita ang ayos niya, naka-pink itong skinny jeans at nakaputing t-shirt may hairband pa ito, ang cute.

Napatingin naman ako sa katabi nitong may kaliitang babae, nakasuot ito ng cute na paldang pula na parang pang school at maliit na dami na hapit na hapit, alam ko tawag diyan eh ano nga ba yun... ah! crop top. Maikli ang buhok niya at may full bangs, ang cute para siyang korean. 

"Oh nandito narin naman kayong dalawa gusto kong makilala niyo ang bago niyong makakasama si Lucianna" 

"Ah, Shana nalang po." nakangiti kong dagdag sa sinasabi ni ate del at nginitian ang dalawa na nakangiti narin saakin.

"Hi Shanny, My name is Angelo but you can call me Angie. Naku ang ganda ganda mo naman teh!" nagulat ako nang lapitan ako nito ipaikot-ikot. "Kabog! Long straight black hair, porselanang kutis, matangkad, sexy pa! Ugh! My dream body, Papa Jes bakit hindi mo ako ginawang ganito?" 

"Sino naman si Papa Jes? May bago ka nanamang jowa?" sigaw ng babaeng maliit sa likod habang papalapit saamin. 

"Si Papa Jesus sira, anong bagong jowa sira ka nagmo-move on pa ako!" 

"Che! move on, move on eh nakita ko kanina may ka-chat ka! Aray!" napangiwi ako nang hilahin ni Angie yung bangs niya. "Bruha ka! alis nga magpapakilala nako." itinulak niya si Angie bago nakangiting kumaway saakin kaya napangiti ako, ang cute niya talaga.

"Hi Lucy!" 

"Ah. Shana nalang" pigil ko sakaniya habang pilit paring pinapanatili ang pag-ngiti. 

"Ha? but I like to call you Lucy..." agad akong umiling.

"Naku wag na haha. Shana nalang hindi kasi ako sanay na ibang pangalan." 

"Hmp! sige na nga. Hi Shana! My name is Erica twenty na ako. Ikaw ilang taon ka na?" 

"twenty din ako!" medyo na-excite ako ng malaman na magkasing edad lang kami. 

"Talaga? wow! so si Angie lang ang matanda dito?" malakas akong natawa dahil sa pang aasar niya kay Angie na nagsimula ng magdabog. 

"Twenty two pa lang ako! Hindi pa ako Oldie!" 

"Ano Shana? Ayos lang ba na sila ang makasama mo dito sa apartment? Ibinilin ka saakin ni Don Miguel dahil bukod sa trabahador niya ang tatay mo ay kaibigan niya rin iyon at ninong mo pa, kaya kargo talaga kita. Sabihin mo lang kung ayaw mo sa mga kasama mo papaalisin natin" 

"Hala huwag po! Ayos lang po! Masaya nga po ako kasi may kasama ako!" 

"Grabe ka naman Ate Del narinig namin yun ah!" sigaw ni Erica na nasa pintuan na ng kwarto. 

"Mama Del grabe ka sa beauty ko, ano titira ako sa kalye? ayoko bumalik sa bahay namin bugbug aberna nanaman ang vakla doon" 

"Hahaha biro lang naman. Oh sige na magpahinga na kayo at ako ay magluluto pa sa bahay namin. Maiwan na kita dito Shana. Angie! Erica! Kayo na bahala kay Shana okay? ipaliwanag niyo mga bagay-bagay paano ang hatian ng upa, pagkain at kung ano-ano pa!" 

"Okie dokie!" sigaw ni Erica. 

Nagpaalam na si Ate Del at naiwan na ako sa dalawa na hindi ako nilubayan ng daldal habang nagsasalansan ako ng mga gamit ko. Late na nga rin kaming nakatulog dahil napakarami nilang tanong at kwento. Pero okay narin dahil feeling ko pagtapos naming magkwentuhan kagabi ay naging malapit na kaming tatlo sa isa't-isa. 

"Ngayon ka agad mag-start maghanap ng work Shana? Agad-agad, pahinga ka dapat muna" 

Umiling ako sa sinabi ni Erica. Nandito kaming lahat sa lamesa ngayong umaga nag-aagahan dahil pareho silang may trabaho ni Angie.

"Ayoko namang tumambay, kailangan sabak agad para magka-work agad." sagot ko pa bago lumagok ng mainit na tsokolate. 

"Palaban ang Shanny natin noh! di yan tulad sayo tamad, puro koreano" komento pa ni Angie habang nagkakape at naglalagay ng kolorete sa mukha. 

"Akala mo naman siya, ikaw nga pumapasok lang sa trababo para lumande at makahanap ng boylet." umiirap na sagot ni Erica na ikinatawa ko. 

"True." pagsang-ayon naman ni Angie na tuluyan na naming ikinatawang tatlo. "Pero seryoso Shanny dear, good luck sa job hunting journey mo okay? Be strong and be wild!" 

"Kailangan mo rin magkaroon ng Iron heart!" gatong pa ni Erica. 

Napakunot ang noo ko. Bakit naman kailangan ko ng mga yon? 

"Maghahanap lang naman ako ng trabaho, hindi naman ako sasabak sa gera." natatawang sagot ko sakanila, nagkatinginan silang dalawa at sabay na nailing. 

"Mas malala pa sa gera ang sasabakin mo Shanny dear, kaya kailangan ready ka." 

Tama nga sila Angie at Erica. Mapapasabak ako dito.

"Uhm' Pandayan State University is so unfamilliar, baka nasa liblib na lugar? Maybe a province?" maarte nitong sabi bago tumawa ng sobrang arte, may pahampas hampas pa sa bag niya. Arte. 

Halos umusok na ang ilong ko sa sinabi ng espasol na to. Akala mo eh kung sinong maganda! Maganda naman talaga siya pero mabaho ugali niya kaya hindi siya maganda. 

"Ay opo sa probinsiya po yun. Eh ikaw po saan ka po nag-college?" Nakangiti kong tanong sakaniya, pigil na pigil ang sariling ma-upper cut siya. 

Humarap ito saakin at taas noong ipinakita ang diploma niya. 

"San Beda" 

"Ah." 

Wow doon siya nag-aral? mahal don eh. School yun dito sa Maynila tapos balita ko doon nag school ng law yung dating presidente ng pilipinas. Ay hindi! kalaban to! hindi dapat ako mamangha. Tumikhim ako at tumingin sakaniya. 

"Ah hindi rin familliar, kala ko naman kasing level ng hogwart." sabi ko at ginaya ang maarte niyang tawa. Halos magkatotoo ang tawa ko nang makita kong lumaki ang butas ng ilong niya. 

May sasabihin pa sana ito nang biglang bumukas ang pinto ng opisina at tawagin siya para sa interview. Umirap nalang ito saakin bago pumasok sa loob. Napahinga ako ng maluwag nung nawala na siya sa paningin ko. 

Ano naman kung hindi sikat ang paaralang pinagtapusan? Hindi naman doon nasusukat ang abilidad ng bawat isa. Hindi naman mahalaga kung anong Unibersidad pa yan, basta matyaga, magaling at may sipag push na! bonus nalang kung sa sikat at mamahaling school ka galing. Pare-parehas lang naman yan. 

"Hay salamat makakapag-relax na rin." bulong ko at muling  nag practice kung paano ako sasagot mamaya sa interview. Pagtapos ay sinamahan ko na rin ng dasal para full force.

Nasa kalagitnaan palang ako ng pagdadasal ay nakarinig na ako ng parang bubuyog na nagchi-chismisan. 

"I heard mala-god like daw yung May ari ng kumpanyang ito." 

God like? Ano yun kamukha ni Papa Jesus? 

"Kaso may anak na daw." 

"iihhh, That's hot nga eh! Imagine, waking up every morning na may hot daddy sa tabi mo? Oh my gosh! I'm gonna faint!" 

"Halika let's stalk his I*!"

Syempre mahihimatay ka talaga. Pag gising mo si God agad makikita mo, baka nga hindi ka gising non, baka chugi ka na dahil nakita mo na yung mala-god like na yun. 

Napangiwi ako nang maghagikhikan pa sila habang may tinitingnan sa phone. Grabe naman tong mga to.  

"Miss Madrid your turn" 

"Ah! Yes po." tumayo ako agad at binanat ang pencil cut kong skirt bago sumunod papasok sa opisina. Binangga pa ko nung maarte nang makasalubong ko siya sa pintuan. hmp! arte! akala mo nasa drama. 

Sandali lang ang interview na naganap. Ngayon ay nandito na ako sa elevator at pababa ng lobby. Naiinis ako. Bakit pa niya sinabi na tatawagan ako? Pwede naman niya akong diretsahin kung tanggap ba ako o hindi? paano kung hindi naman niya ako tawagan? edi forever na ako maghi-hintay? hays! pwede rin naman ako na tatawag sakaniya.

Paglabas ko ng elevator ay muli nanaman akong napasenti. Paano ang ganda ganda tingnan ng mga empleyado habang suot ang mga corporate attire nila. Ganyan din naman ang suot ko ngayon pero iba kasi talaga kapag may ID na ng kumpanya na nakasabit sa leeg. 

"Mommy?" napayuko ako sa maliit na boses na narinig ko. Hala! ang cute.  

"Ako ba?" turo ko sa sarili ko.

Tumango naman ang bata. Sobrang puti nito, mahaba at itim na itim ang straight na buhok, may kaunting bangs na mas nagpa-cute sa maliit nitong mukha. Bilugan rin ang mga mata nito... ang mas lalong nagpamangha saakin ay nang maaninag kong may pagka-berde ang mga mata niya na bagay na bagay sa mahahaba at mapilantik niyang pilikmata. 

Grabe. May ganito pala talagang bata. Para siyang manika. 

"It's you! Mommy! Mommy!" 

Teka, anong Mommy? Bakit ako? Naga-apply lang naman ako ng trabaho!