Kabanata 22.2: Daddy's Jealous

Aurora's Point of View

Nadaanan ko sa salas sila Snow at Winter kasama si Sonya na naglalaro ng boardgame. Hindi na nila ako napansin dahil nakatutok ang buo nilang atensyon sa nilalaro nila.

Nang makarating ako sa kwarto agad ko iyong ni-lock at napabuntong-hininga. Hinawakan ko rin ang basang parte sa damit ko at napailing. Dire-diretso kong tinahak ang walk-in closet at binuksan iyon para maghanap ng pwedeng ipampalit.

Sa kanan ay mga damit at ilang pamalit ni Alted at sa kanan naman ay ang akin.

Mas marami ang t-shirt at pambahay na damit ang dinala ko, iyong mga gusto kong damit, pero may ilan din naman akong dinala na damit ni Candice. At katulad ng plano ko, hindi ko pinansin ang mga normal na damit na isinusuot ko. Bagkus kumuha ako ng sleeveless na damit at nang tingnan ko pa iyon mukhang mababa ang neckline no’n.

Hindi ako magaling sa mga pangalan ng ganitong mga damit at anong klaseng kasuotan ito pero sigurado akong pang-summer iyon kaya nga dinala ko.

Ilan la