His Hidden Heirs: Billionaire's Secret Wife

Late spring noon sa Baguio. Ilang araw ding naging maaliwalas at makulimlim ang kalangitan, pero ngayon, tila nakipagsundo ang panahon sa biglaang pagbuhos ng napakalakas na ulan. Ang lamig ng hangin ay pumapasok hanggang sa kaibuturan ng mga buto, at ang bawat patak ng ulan sa bubong ng ospital ay parang paulit ulit na martilyo na pumupukpok sa dibdib ni Jasmine Elise Santillan - Aragon.

Kakalabas pa lamang niya mula sa pintuan ng gynecology office. Hilaw, mabigat, at wala sa sarili ang kaniyang mga hakbang habang mahigpit na hawak ang ilang piraso ng papel. Lutang ang kaniyang isip, maraming katanungan at takot na gustong takasan. Kaya naman hindi na niya napansin ang anyo ng isang taong mabilis na lumabas mula sa katabing office.

BAM!

Nasalubong niya ang matigas na dibdib ng isang lalaki. Sa lakas ng impak, nawalan siya ng balanse at nabitiwan ang mga dokumentong hawak. Kumalat ang mga papel sa basang semento ng pasilyo, tila mga tuyong dahon na itinapon ng malakas na hangin.

"I’m... I’m sorry! Pasensya na po, hindi ko sinasadya..." mabilis niyang hingi ng paumanhin.

Nagmamadali siyang lumuhod at yumuko para isa isahing pulutin ang mga nagkalat na papel sa sahig.

Subalit nung pupulutin na niya ang pinakamahalagang pahina, isang makinang, itim, at

napakamahal na sapatos ang yumapak sa kaniyang dokumento.

Napatigil si Jasmine. Sinubukan niyang hilahin ang papel ngunit masyadong mabigat at

maawtoridad ang tapak nito.

"Sir, could you please lift your foot? 'Yung papel ko po..." nakatungo ang kaniyang ulo habang

mababa at nanginginig ang boses na nakiusap.

Hindi gumalaw ang lalaki.

Sa halip, naramdaman ni Jasmine ang isang napakalamig, napakadilim, at punong puno ng galit na titig mula sa lalaki. Isang aura na napakabigat at napakapamilyar na tila unti unting sumasakal sa kaniyang lalamunan.

Bago pa man maiproseso ng kaniyang utak ang nangyayari, may isa pang kamay na mabilis na yumuko at pumulot sa ibang natitirang papel. Isang maarte at pilit na boses ang biglang humalakhak nang may halong gulat at pang aasar.

"Oh my gosh! What is this? Hymen repair?!"

Tila binuhusan ng napakalalamig na yelo si Jasmine. Nanigas ang buo niyang katawan. Ang boses na iyon... ang sarkastiko, condescending, at pamilyar na tono na kailanman ay hindi niya makakalimutan.

Si Celestine Arabella Marquez.

Ano’ng ginagawa nito rito? Sa dami ng ospital sa buong lungsod, bakit dito pa sila magtatagpo?

At kung nandito si Celestine... ibig sabihin, ang lalaking nakatayo sa harap niya na may suot na mamahaling sapatos ay walang iba kundi ang kaniyang soon to be ex-husband na si Zayn Theodore Aragon.

Mula nang bumalik si Celestine mula sa ibang bansa kasama ang anak nito, pormal nang humiling si Zayn na tapusin ang kanilang tatlong taong contractual marriage nang mas maaga ng tatlong buwan. Sa nakalipas na tatlong buwan na iyon, palaging nasa tabi ni Celestine si Zayn. Ilang beses

na silang nakita ni Jasmine na magkasama sa mga balita sa telebisyon, sa mga mamahaling restaurant, at sa iba't ibang event.

Nasanay na dapat siya. Tinanggap na dapat ng kaniyang nawawasak na puso. Pero bakit nandito sila sa gynecology clinic? Bakit magkasama rin sila rito?

Mabagal at awkward na tumayo si Jasmine. Agad na sumalubong sa kaniyang paningin si Celestinena nakahawak sa sarili nitong ibabang tiyan habang nakatingin sa kaniya nang may pahiwatig ng tagumpay at pang aasar.

Kumirot nang matindi ang dibdib ni Jasmine.

Buntis ba siya ulit? Anak ba nila ni Zayn? Magkakaroon na ba sila ng pangalawang anak?

Ang mga hinalang iyon ay parang mga matutulis na karayom na isa isang tumutusok sa kaniyang puso. Naalala niya ang sarili niyang dalawang anak mga anak nila ni Zayn na kailanman ay hindi pa nakikita ang kanilang ama, mga batang kailangang mabuhay sa tago at dilim dahil lamang sa

kaniyang mababang katayuan sa buhay.

"Jas, I didn't expect... you would actually come to the hospital to consult about this?" maarteng sambit ni Celestine, nakataas ang isang kilay habang hawak hawak ang papel na para bang napakadumi niyon.

Napakaganda ni Celestine ngayong araw. Ang kaniyang make-up ay sobrang bumagay sa kanya. Suot niya ang isang creamy white V-neck top na may butterfly sleeves na lalong nagpapalitaw sa kaniyang balat na kasing puti ng niyebe. Pair iyon ng isang eleganteng high heels na nagpapatingkad sa kaniyang payat, matangkad, at kaakit akit na hubog ng katawan.

Habang si Jasmine? Kakagaling lang niya sa buhos ng ulan at bahagya lamang itinuyo ang kaniyang buhok. Ang kaniyang basang buhok ay nakadikit pa sa kaniyang anit, mukhang mamantika, gulo gulo, at tila isang babaeng napabayaan. Sa tabi ng napaka exquisite at magandang babae sa kaniyang harap, para siyang basahan na itinapon sa gilid ng lansangan.

Napatingin si Jasmine kay Zayn. Mariing nakakuyom ang panga ng lalaki. Ang mga madidilim at malalalim nitong mata ay nakatitig sa kaniya nang napakalamig tila gustong hiwain ang kaniyang kaluluwa at alamin ang lahat ng kaniyang maruruming lihim.

"Jasmine," malamig at paos na boses ni Zayn. "You're not even divorced yet, and you already have such filthy thoughts. Which man do you intend to use them on?"

Bawat salita ni Zayn ay parang lason na tumatagos sa kaniyang sistema. Naalala bigla ng lalaki ang mga sinabi ng kaniyang mga kaibigan noong huling gabi sa VIP room ng isang bar,

'Pustahan tayo, nakailang lalaki na 'yang si Jasmine bago ka pa nakilala. I really feel sorry for Zayn, he married such a disgusting woman!'

Dahil sa nakikita niyang dokumento ngayon, bumangon ang matinding duda sa isip ni Zayn. Iyong dugo ba sa kama noong gabi sa hotel apat na taon na ang nakararaan... retoke rin ba? Nagpanggap lang ba siyang birhen para makuha ako?

Si Zayn ay ang kaisa isang tagapagmana ng isa sa pinakamayayamang pamilya sa Baguio. Si Jasmine naman ay anak lamang ng isang kasambahay at nanny sa mansyon ng mga Aragon. Kung hindi dahil sa aksidenteng nangyari apat na taon na ang nakararaan, ang dalawang taong ito na

nagmula sa magkaibang mundo ay kailanman hindi magtatagpo at hindi maikakasal.

Nakatitig si Jasmine sa galit at diring mukha ng lalaking kaniyang minahal nang tahimik sa loob ng napakaraming taon. Naramdaman niya ang matinding panginginig ng kaniyang mga labi.

"Hindi... hindi 'yan totoo. You... you've misunderstood," mahinang apela ni Jasmine, pilit na pinipigil ang mga luhang gustong pumatak sa kaniyang mga mata.

Agad namang kumapit si Celestine sa bisig ni Zayn, idinikit ang sarili sa braso ng lalaki habang nagpapakawala ng pacute at maarteng boses. "Jasmine, stop making excuses. You are too shameless! Paano mo naatim na gumawa ng ganiyang bagay habang kasal ka pa kay Zayn?"

Nagsimulang dumami ang tao na nakatingin at nakikinig sa kanila. Pinagmasdan nila si Jasmine isang babaeng nakasuot ng luma, maluwag, at kupas na damit, hawak hawak ang mga form para sa hymen repair surgery.

Tila napakadumi. Napakakapal ng mukha.

Nagsimulang magbulungan ang mga tao sa paligid, at ang kani kanilang mga titig ay napuno ng panghuhusga, poot, at pagmamataas.

"Kasal pa pala siya sa ganiyang kagwapong lalaki pero nagpapaganyan na? Napakadumi!" "Tingnan mo nga ang suot, mukhang mahirap na walang modo at walang dignidad." "Napakakapal ng mukha! Kahiya hiya siyang babae!"

Nagpanting ang mga tainga ni Jasmine. Naging napakaputla ng kaniyang mukha na tila nawalan ng dugo. Mabilis niyang pilit na inagaw at pinulot ang kaniyang mga papel mula sa sahig at nagmadaling tumalikod upang tumakas sa impyernong iyon.

Ngunit bago pa siya makalayo ng tatlong hakbang, biglang may pumigil sa kanya.

Malamig at walang emosyon ang boses ng lalaki, ngunit puno ng banta at matinding babala.

"Jasmine, after the divorce, I don't care what disgusting things you do or who you sleep with. But right now? You are still Mrs. Aragon. Be mindful of your status!"

Parang pinipiga ang dibdib ni Jasmine sa sobrang sakit. Hindi siya makahinga. Ang hangin sa kaniyang paligid ay naging napakabigat at napakasikip.

Ibinuka niya ang kaniyang bibig upang magsalita, upang ipaglaban ang sarili.

“Hindi para sa akin 'to! May gumagamit ng pangalan ko! Pumunta lang ako rito para alamin kung sino ang nagpanggap na ako!”

Ngunit sumikip ang kaniyang lalamunan. Naipit ang mga salita sa kaniyang dila.

Tumingin siya sa mga mata ni Zayn mga matang walang tiwala, puno ng hinala, at galit.

Ipinikit ni Jasmine ang kaniyang mga mata at dahan dahang iniluwa ang natitirang lakas sa kaniyang katawan. Ibinaba niya ang kaniyang ulo at tinalikuran ang dalawa.

Never mind.

Kahit sabihin pa niya ang totoo... naniniwala ba siya sa kaniya kahit kailan?