Chapter 14: Double Trouble Part 2

Hindi na ako umimik sa kaniya at sa labas na lamang ng sasakyan itinuon ang aking paningin. Akala ko pa naman ay magiging okay ako ngayong araw. Hindi rin pala. Wala na kaming imikan hanggang sa makarating kami sa Xiumen Hotel. Pagbaba namin sa kotse ay ibinigay lamang ni Xeno ang susi sa isang staff ng hotel para ipagarahe ang sasakyan. Sabay na kaming pumasok sa loob pagkatapos. 

Nang nasa bukana na kami ng bulwagan ng hotel ay inilagay niya ang kamay ko sa braso niya. "Alam mo na kung anong gagawin. Don't even think of making a mess inside. Maraming tao ang nakatingin. Don't make me lose face." 

Saka ko palang napagtanto. Acting lang pala ang pinapakita niya sa aking kabutihan kanina. I should have known. Hindi nga pala siya 'yong Xeno ko.

Umirap na lang ako sa kaniya nang hindi na siya nakatingin sa'kin. Gusto mo ng acting? Then okay.

Pagpasok namin sa loob ay pinasadahan agad kami ng mga tingin mula sa mga taong naroroon. Mara