Chapter 28

Tahimik kong inayos ang pagkakasalansan ng mga backdrop dahil balak ko na itong tapusin ngayon, habang ang iba kong mga kasama ay abala sa paglalaso ng mga tela. Hindi pa kami nakapag-decorate sa wedding venue ngunit masasabi kong hindi na kami matataranta sa oras ng kasal.

“Ang ganda ng magiging theme ng wedding nila, ‘no?” rinig kong sambit ng isa kong kasama.

“Oo nga, e. Kaya gusto ko talaga na sa paparating kong kasal ay si Ma’am Ivy ang magsaayos ng lahat kasi sobrang galing niya. Walang professional wedding planner at designer ang makakatalo sa kanya,” sagot naman ng isa.

Napaangat ang aking kilay. “Ikakasal ka na?”

Gulat naman ang mga itong napatingin sa ‘kin na para bang hindi nila inasahang nakikinig ako sa kanilang usapan. Agad naman akong ngumiti dahil baka masabi nilang nagsusungit ako.

“Ah, o-opo, Ma’am. Pero sa susunod na taon pa po. Ngayon taon po kasi kinasal ‘yung kapatid ko. Malakas kasi paniniwala nila sa sukob at iba pang wedding beliefs kaya ayun, nagdesisyon na l